Now Reading
नेपालमा जस्तै भारतले सामाजिक सञ्जालमा कडाइ गर्ने कानुन ल्याउदै, लोकतन्त्रमा क्षति पुगेको दाबी

नेपालमा जस्तै भारतले सामाजिक सञ्जालमा कडाइ गर्ने कानुन ल्याउदै, लोकतन्त्रमा क्षति पुगेको दाबी

बिहीबार, कार्तिक ७, २०७६ - 8:56 AM     |     टेकपाना

लोकतन्त्रमा अकल्पनीय क्षति पुग्ने दाबी गर्दै भारतले सामाजिक सञ्जालसहित इन्टरनेटमा कडाइ गर्ने तयारी गरेको छ । यसका लागि भारतको सूचना प्रविधि मन्त्रालयले सर्वोच्च अदालतमा कानुनी रुपमा प्रक्रिया अगाडि बढाएको हो ।

मन्त्रालयको तयारी अनुसार अबको दुई महिनापछि अर्थात जनवरीसम्म यस्तो कानुन तयार हुनेछ ।
भारतले यस्तो कानुन ल्याउनुको पछाडी पछिल्लो समय इन्टरनेट लोकतन्त्रका लागि खतराको रुपमा उदाउँदै गरेको दाबीलाइ आधार बनाएको छ ।

छिट्टै कार्यान्वनमा ल्याउने तयारी गरिएको यस्तो कानुनले नागरिकको अधिकार रक्षा गर्नुका साथै राज्यको एकता, सम्प्रभुता र सुरक्षालाइ सहयोग पुर्‍याउने दाबी गरिएको छ । भारतले गत बर्षमात्रै इन्टरनेटलाई नियमन गर्ने मापदन्डको मस्यौदा तयार गरेको थियो ।

सन् २०११ को मापदन्डलाई प्रतिस्थापन गर्ने नयाँ मापदन्डमा ५० लाखभन्दा बढी प्रयोगकर्ता रहेका सामाजिक सञ्जालसहित अन्यलाई इन्टरनेट सन्जालको रुपमा प्रस्ताव गरेको थियो । नयाँ किसिमबाट इन्टर्नेटको नियमन नभए यसको गलत ढङ्गबाट प्रयोग हुने र गलत सुचना प्रवाह हुने क्रम बढ्दै जाने भारतको सूचना प्रविधि मन्त्रालयको दाबी छ ।

See Also

सोमबारमात्रै अदालतमा दर्ता गरिएको यस्तो कानुनलाई धेरैले फेसबुकले हालै भारतमा दर्ता गरेको मुद्दाको प्रतिक्रियाको रुपमा लिएका छन् । फेसबुकले व्हाटसएपबाट हुने म्यासेजको स्रोत खुलाउनुपर्ने प्रणाली लागू गर्ने गरि भारतले नियम ल्याउन थालेपछी यसका विरुद्ध भारतमा कानुनी उपचार अगाडि बढाएको थियो । भारतमा मात्रै व्हाट्सएपका करिब ४० करोड प्रयोगकर्ता छन् ।

नेपालमा पनि संसदमा दर्ता गरिएको सुचना प्रविधि सम्बन्धि व्यवस्था गर्न बनेको विधेयकमा सामाजिक सञ्जाल अनिवार्य रुपमा दर्ता गर्नुपर्ने व्यवस्था प्रस्ताव गरिएको छ । इन्टरनेटको माध्यमबाट हुने क्रियाकलापलाई यो विधेयकले थप कडाइ गर्ने व्यवस्था गरेको छ ।

Facebook Comments
Scroll To Top