Now Reading
१०८ एमपी क्यामेरा भएको विश्वकै पहिलो स्मार्टफोन एमआई सीसी नाईन प्रो मंगलबार सार्वजनिक हुँदै

१०८ एमपी क्यामेरा भएको विश्वकै पहिलो स्मार्टफोन एमआई सीसी नाईन प्रो मंगलबार सार्वजनिक हुँदै

आईतवार, कार्तिक १७, २०७६ - 7:00 PM     |     टेकपाना

साओमीले ५ नोभेम्बरमा १०८ मेगापिक्सेल क्यामेरा भएको पहिलो स्मार्टफोन सार्वजनिक गर्ने भएको छ । आउँदो मंगलबार चीनमा र त्यसपछि क्रमशः विश्वव्यापी रुपमा एमआई सीसी नाइन प्रो सार्वजनिक हुने भएको हो । 

यससँगै साओमीको एमआई नाईन प्रो १०८ मेगापिक्सेल क्यामेरामा उपलब्ध विश्वकै पहिलो स्मार्टफोन हुनेछ । हल्लाहरूलाई विश्वास गर्ने हो भने उक्त स्मार्टफोन एमआई नोट टेनको रुपमा विश्वव्यापी रुपमा सार्वजनिक हुनेछ । 

यद्यपी सार्वजनिक हुनु अघि नै साओमीले केही मूख्य विशेषताहरू भने खुलाईसकेकाे छ । टिजरमा उल्लेख भएअनुसार साओमी एमआई नोट टेनमा ५० गुणा जुम भएको पाँच मेगापिक्सेल सेन्सर सहित  १०८ मेगापिक्सेलको प्राइमरी क्यामेरा सेन्सर, पोट्रेटका लागि १२ मेगापिक्सेल सेन्सर, सुपर म्याक्रो सुटका लागि २ मेगापिक्सेल र अल्ट्रा वाइड एङ्गलको रुपमा २० मेगापिक्सेल सेन्सर प्रयोग गरिएको छ । 

साओमी एमआई नोट टेनमा पर्फरमेन्सका लागि ५,२६० एमएएच क्षमताको शक्तिशाली ब्याट्रीसँगै न्यापड्रागन ७३० जी प्रोसेसर राखिएको बताइएको छ । ३० वाट फास्ट चार्जिङ सपोर्ट गर्ने उक्त फोन ३० मिनेटमै ५८ प्रतिशतसम्म चार्ज गर्न सकिनेछ । 

See Also

साओमी एमआई सीसी नाईन प्रोमा अगाडिपट्टी सिरानीमा वाटर ड्रप नोच भएको ६ दशमलव ४७ इञ्च एमोलेड डिस्प्ले हुनेछ । टिजरमा डुअल कर्भ स्क्रिन रहेकाे समेत खुलाईएको थियो । ३.५ एमएम हेडफोन ज्याक र यूएसबी टाइप-सी सहित आउने यो स्मार्टफोन एन्ड्रोइड टेनमा आधारित एमआईयूआईमा चल्नेछ । 

एमआई सीसी नाईन प्रोको आधिकारिक मूल्य सार्वजनिक भइनसकेको भए पनि चलेका विभिन्न हल्लाअनुसार यो दुई हजार पाँच सय ९९ यूआन अर्थात सालाखाला करीब ४३ हजार रुपैयाँ पर्नेछ ।

Facebook Comments
Scroll To Top