Now Reading
टेलिकमको अनलाइन रिचार्जमा समस्या, ३ करोड आम्दानी प्रभावित भएको आशंका

टेलिकमको अनलाइन रिचार्जमा समस्या, ३ करोड आम्दानी प्रभावित भएको आशंका

शनिबार, मंसिर ७, २०७६ - 2:31 PM

दूरसञ्चार कम्पनी नेपाल टेलिकमको अनलाइन रिचार्ज तथा टपअपमा समस्या देखिएको छ । शनिबार बिहानदेखि एमपोस प्रविधिबाट कम्पनीका सेवाकाे भुक्तानी नै ठप्प भएको हो ।

यसबाट रिचार्ज कार्ड बाहेकका माध्यमबाट हुने कम्पनीको मोबाइल, ल्याण्डलाइन, इन्टरनेट लगायतका सेवाको भुक्तानी हुन सकिरहेको छैन । उपभोक्ताले  खल्ती, ई-सेवा, मोबाइल बैंकिङ लगायतका माध्यमबाट रिचार्ज गर्न पाइरहेका छैनन् । 

भुक्तानी सेवा प्रदायकहरुले यसलाई टेलिकमतर्फकाे प्राविधक समस्या भएको बताएका छन् । मोबाइल वालेट खल्तीका सीईओ अमित अग्रवालले शनिबार बिहानै देखि यस किसिमको समस्या देखिएको बताए ।

शुक्रबार राती टेलिकमको सिस्टममा अपग्रेड भएसँगै यस्तो समस्या आएको श्रोतले जनाएको छ । कम्पनीको कूल रिचार्ज मध्ये २८ देखि ३० प्रतिशत अनलाइनबाटै हुने गरेको छ । यस हिसावले दैनिक ३ करोड रुपैयाँसम्मको आम्दानी प्रभावित हुन सक्ने अनुमान गरिएको छ ।

See Also

प्राविधिक समस्याका कारण एमपोस प्रविधिमार्फत हुने कम्पनीका सबै सेवाको भुक्तानी प्रभावित भएको स्वीकार गर्दै टेलिकमका सहायक प्रवक्ता कृष्णप्रसाद भण्डारीले त्यसको समाधानका लागि सम्बन्धित प्राविधिक सहितको टिम शक्रिय रहेकाे जानकारी दिए । ‘छिटो भन्दा छिटो यो समस्या समाधान गर्ने प्रयास भइरहेकाे छ,’ उनले भने ।

Facebook Comments
Scroll To Top