ट्रेन्डिङ:
जीआईएस र रिमोट सेन्सिङ विषयमा तालिम दिँदै आविष्कार केन्द्र सामसङ ग्यालेक्सी एस२३ अल्ट्रामा १ टीबी इन्टर्नल स्टोरेज र २०० मेगापिक्सेलको क्यामेरा हुने अब आईफोनमा ब्लुटुथमार्फत ई-सिम ट्रान्सफर गर्न सकिने नेटा भीको मूल्य अरुको अनुपातमा २ लाख सस्तो छ, महँगो भन्नु अफवाह मात्रै होः सीजी अन्तरिक्ष केन्द्रको जिन्दगी, जहाँ दिसा तान्न ‘भ्याकुम क्लिनर’ चाहिन्छ स्मार्ट मिटरका लागि प्रति मेगाहर्ज एक करोड २० लाखमा विद्युत प्राधिकरणलाई  फ्रिक्वेन्सी नयाँ कानून आएसँगै धमाधम भारत छोड्दै भीपीएन कम्पनी ३३ प्रतिशतले प्रयोग गर्छन् अरुकै नेटफ्लिक्स अकाउन्ट पूरा भयो टेलिकमको फाइभजी अध्ययन, पहिलो चरणमा काठमाडौंमा परीक्षण हुँदै डिल्लीराम अधिकारीको नेपाल टेलिकम सपना
close

जीआईएस र रिमोट सेन्सिङ विषयमा तालिम दिँदै आविष्कार केन्द्र

टेकपाना टेकपाना

असोज ४, २०७९

जीआईएस र रिमोट सेन्सिङ विषयमा तालिम दिँदै आविष्कार केन्द्र

काठमाडौं । राष्ट्रिय आविष्कार केन्द्रले जीआईएस रिमोट सेन्सिङ सम्बन्धी निःशुल्क ४५ दिने तालिम दिने भएको छ । केन्द्रका अध्यक्ष महावीर पुनले सामाजिक सञ्जाल फेसबुकमा पोस्ट गर्दै तालिमबारे जानकारी दिएका हुन् ।

आविष्कार केन्द्रले स्नातक तहका विद्यार्थीलाई केन्द्रित गर्दै तालिम आयोजना गर्न लागेकाे हाे । तालिममा सहभागी हुने सहभागीलाई अमेरिकी अन्तरिक्ष एजेन्सी संस्था नासामा कार्यरत नेपाली वैज्ञानिक राजेश पौड्याल र अमेरिकाको कृषि क्षेत्रमा काम गरिरहेका विज्ञ डा. महेश पुनले हप्ताको दुई दिन प्रशिक्षण दिनेछन् ।

दशैँपछि सुरु हुने यो तालिम तीन तहमा सम्पन्न हुने जनाइएको छ ।

सबैभन्दा पहिले परिचयात्मक स्तर (Introductory Level), त्यसपछि मध्यम स्तर (Intermediate level) र अन्यमा उच्च स्तर (Advanced level)  को हुनेछ ।

जीआईएस भनेको भौगोलिक सूचना प्रणालीमा आधारित कम्युटर टुल हो, जसलाई म्यापिङका लागि प्रयोग गरिन्छ । जीआईएस प्रविधिलाई म्यापमा तथ्याङ्कगत मूल्याङ्कन जस्ता डेटाबेस अपरेसनका लागि प्रयोग गरिन्छ ।

त्यस्तै रिमोट सेन्सिङ भनेको कुनै पनि वस्तुलाई भौतिक रूपमा सम्पर्क नगरी डेटा संकलन गर्ने विज्ञान हो ।

तालिममा सहभागी हुनेहरूका लागि राष्ट्रिय केन्द्रले चाँडै अनलाइन फाराम उपलब्ध गराउने जनाएको छ । त्यस्तै यस कार्यक्रममा कसले सहभागी जनाउन पाउने भन्ने जानकारी पछि उपलब्ध गराउने अध्यक्ष पुनले उल्लेख गरेका छन् ।