ट्रेन्डिङ:
आईफोन १४ खरिद गर्न नपर्ने ६ कारण नेपालमा इनड्राइभर एपको प्रयोग बन्द गराउन माग राख्दै सर्वोच्चमा रिट दायर कस्तो छ ग्लोबल आईएमई बैंकको नयाँ मोबाइल बैंकिङ एप ? एनआईसी एसिया बैंकको ग्राहकलाई भाटभटेनीको डिजिटल भुक्तानीमा छुट महावीर पुनको आविष्कार केन्द्रले बनायो होमस्टे बुकिङ सिस्टम, तथ्यांक संकलन गर्न स्वयमसेवीको खोजी यी १० कारणले ल्यापटपभन्दा डेस्कटप राम्रो थाहा पाइराख्नुहोस् मोबाइलको चार्जरमा हुने सङ्केत र तिनको अर्थ ३५ सयले लिए टेलिकमकाे ई-सिम कस्तो छ ग्लोबल आईएमई बैंकको नयाँ मोबाइल बैंकिङ एप ? विद्यार्थीलाई सीप सिकाउन इन्फोडेभलपर्सले ल्यायो ‘क्लिक टु करिअर’
close

आईफोन १४ खरिद गर्न नपर्ने ६ कारण

टेकपाना टेकपाना

असोज ६, २०७९

आईफोन १४ खरिद गर्न नपर्ने ६ कारण

काठमाडौं । एप्पलले दुई साताअघि मात्र आफ्नो बहुप्रतिक्षित आईफोनको नयाँ सिरिज आईफोन १४ सिरिज सार्वजनिक गरेको छ । प्रि-अर्डर पनि सुरु भइसकेको नयाँ सिरिजका स्मार्टफोनहरूको कतिपय देशमा बिक्री पनि सुरु भइसकेको छ ।

यदि तपाईँ आईफोन १३ वा १२ प्रयोग गरिरहनु भएको छ र अहिले आईफोन १४ प्रयोग गर्न खोजिरहनु भएको छ भने तपाईँका लागि यो लेख उपयुक्त हुनसक्छ । आज हामी आईफोन १४ भन्दा आईफोन १३ कुन कुन  कारणले उपयुक्त छ भन्ने विषयमा जानकारी दिँदैछौँ ।

आईफोन १४ मा थपिएको नयाँ फिचर भनेको सुरक्षाका फिचर र इमर्जेन्सी कम्युनिकेसन फिचर हुन् ।

यी बाहेक अन्य फिचरहरूको हिसाबले हेर्ने हो भने आईफोन १२ वा आईफोन १३ प्रयोग गरिरहेका प्रयोगकर्ताको लागि आईफोन १४ उपयुक्त नहुन पनि सक्छ ।

एप्पलले आईफोन १४ को प्रो र प्रो म्याक्स मोडेलमा केही भिन्नता ल्याएको भए पनि आईफोन १४ को बेस मोडेल आइफोन १४ र आईफोन १४ प्लसमा त्यति भिन्नता ल्याएको देखिँदैन । आईफोन १३ वा १२ छ भने आईफोन १४ खरिद गर्न नहुने केही कारणहरू यहाँ उल्लेख गरिएको छ । 

आईफोन १३ मा उपलब्ध आकर्षक ब्याट्री 

यदि तपाईं आईफोन १३ प्रयोग गरिरहनु भएको छ भने त्यसको ब्याट्री कति टिकाउ छ भन्ने कुरा बुझ्नु नै भएको छ होला । आईफोन १३ मा १५ घण्टाको भिडिओ स्ट्रिमिङ व्याकअप र ७५ घण्टासम्मको अडियो प्लेब्याक रहेको छ ।

आईफोन १४ को ब्याट्रीको आकार आईफोन १३ जत्तिकै रहेको छ ।

आईफोन १४ मा १६ घण्टासम्मको भिडिओ प्लेब्याक र ८० घण्टासम्मको अडियो प्लेब्याक रहेको बताइएको छ । यसमा भएको ब्याट्री ब्याकअपको समय त्यति धेरै होइन । त्यसकारण ब्याट्रीलाई नै आधार बनाएर आईफोन १४ खरिद गर्ने सोच बनाउनु भएको छ भने त्यसका अन्य फिचरबारे अध्ययन गर्नु उपयुक्त हुनसक्छ ।

चार्जिङ पोर्ट

विश्वका विभिन्न देशहरूमा टाइप-सी पोर्ट अनिवार्य गराउने अभियान चलिरहेका छन् । आईफोन १३ र आईफोन १४ मा प्रयोग भएको चार्जिङ पोर्टमा कुनै भिन्नता छैन ।

दुवै मोडेलमा एप्पलको लाइटनिङ पोर्ट नै प्रयोग भइरहेको छ । यसपछि आउने आईफोनको नयाँ सिरिजमा भने टाइप-सी पोर्ट आउन सक्ने अपेक्षा गरिएको छ । यसो भएमा प्रयोगकर्तालाई थप सहज हुनसक्छ । 

आईफोन १३ मा भएको उत्कृष्ट क्यामेरा

कतिपय प्रयोगकर्ताले नयाँ आईफोन क्यामेराका लागि खरिद गर्ने गर्छन् । यदि तपाईँसँग आईफोन १३ छ र आकर्षक क्यामेरा फिचरका लागि आइफोन १४ खरिद गर्ने सोचमा हुनुहुन्छ भने तपाईँ भ्रममा हुनुहुन्छ । एप्पलले आईफोन १४ सिरिजको प्रो र प्रो म्याक्स मोडेलमा मात्र क्यामेराको गुणस्तर बढाएर ४८ मेगापिक्सेल पुर्‍याएको छ ।

आईफोन १४ मा भने १२ मेगापिक्सेलकै मुख्य क्यामेरा सेन्सर रहेको छ । आईफोन १३ मा १२ मेगापिक्सेलकै क्यामेरा छ । आईफोन १४ मा एप्पलले बढी लाइट लिनका लागि ठूला क्यामेरा सेन्सरहरू प्रयोग गरेको छ । यसको अर्थ आईफोन १४ मा लो लाइट पर्फमेन्स बढी छ । तर तपाईँ डिम लाइटमा त्यति फोटो खिच्नुहुन्न भने तपाईँका लागि यो फिचर पनि आकर्षक नहुन सक्छ ।

रिफ्रेस रेट 

आईफोन १३ प्रोमा प्रयोग भएको सबैभन्दा महत्त्वपूर्ण भाग भनेको प्रो-मोसन प्रविधि हो । यही प्रविधि आईफोन १४ मा आउने अपेक्षा गरिएको थियो ।

तर, कम्पनीले आईफोन १४ को प्रो र प्रो म्याक्स मोडेलमा मात्र प्रो-मोसन प्रविधि समावेश गरेको छ । आईफोन १४ मा पनि आईफोन १३ मा जस्तै ६० हर्ज कै रिफ्रेश रेट भएको डिस्प्ले उपलब्ध छ ।

प्रोसेसर 

आईफोन १४ को प्रो र प्रो म्याक्स मोडेलमा ए१६ बायोनिक चिप प्रयोग भए पनि आईफोन १४ र आईफोन १४ प्लसमा आईफोन १३ को जस्तै ए१५ बायोनिक चिप प्रयोग भएको छ ।

उही विशेषता भएको चिप प्रयोग भएकाले फोनको पफर्मेन्समा खासै केही फरक पर्दैन । 

आईफोन १३ को सस्तो मूल्य 

एप्पलले कुनै पनि नयाँ सिरिज सार्वजनिक गरेको खण्डमा पुरानो सिरिजको मूल्य घटाउँछ । यस वर्ष पनि आईफोन १३ को मूल्य आईफोन १४ को तुलनामा १०० डलरले घटेको छ ।

उही क्यामेरा विशेषता, उही चिपसेटको प्रयोग र उस्तै ब्याट्रीको प्रयोग गरिएको हुनाले तपाईँका लागि आईफोन १३ नै उपयुक्त हुन सक्छ ।