ट्रेन्डिङ:
गुगल पिक्सेल फोनमा किन सपोर्ट गर्दैन टेलिकमको ई-सिम ? हरेक समय चार्जमा राखेर ल्यापटप चलाउँदा के हुन्छ ? स्मार्टफोनमा जीपीएसको साटो आफ्नै स्वदेशी नेभिगेसन प्रणाली लागू गर्न बाध्य पार्दै भारत ‘९.६ जीबीपिएस सम्मको स्पीड हुने वाइफाइ सिस्टमको तयारी गरिरहेका छौं’ स्मार्ट मिटरका लागि प्रति मेगाहर्ज एक करोड २० लाखमा विद्युत प्राधिकरणलाई  फ्रिक्वेन्सी अब स्मार्ट क्यूआर र नेपालपे क्युआर मार्फत एक आपसमा भुक्तानी गर्न सकिने दूरसञ्चार सेवाप्रदायक आपसमा गाभिन सक्ने, प्राधिकरणबाट पारित भयो नियमावली सुबिसुको दशैं तिहार अफर, सस्तो मूल्यमा इन्टरनेट प्याकेज सहित ३२ इन्चको टिभी किन्न पाइने भर्चुअल आईटी करियर कन्क्लेभ हुँदै, सहभागिता निःशुल्क यस्तो छ नेपाली बजारमा रेड्मी र एमआई स्मार्टफोनको पछिल्लो मूल्य सूची
close

गुगल पिक्सेल फोनमा किन सपोर्ट गर्दैन टेलिकमको ई-सिम ?

टेकपाना टेकपाना

असोज ६, २०७९

गुगल पिक्सेल फोनमा किन सपोर्ट गर्दैन टेलिकमको ई-सिम ?

काठमाडौं । सरकारी स्वामित्वमा रहेको दूर सञ्चार कम्पनीले नेपाल टेलिकमले गत सातादेखि आफ्ना ग्राहकका लागि एम्बेडेड सिम (ई-सिम) को वितरण थालेको छ । आफ्नो फोनमा ई-सिम चल्छ वा चल्दैन भन्ने जान्नका लागि तपाईँले विभिन्न प्रक्रिया अपनाउन सक्नुहुन्छ ।

तपाईँको डिभाइसमा ई-सिम सपोर्ट गर्छ या गर्दैन भन्ने कुरा यहाँ क्लिक गरेर जाँच गर्न सक्नुहुन्छ ।

हामीले केही दिनअघि विभिन्न फोनमा ई-सिम सपोर्ट गर्छ भन्ने विषयमा जानकारी दिएका थियौँ । उक्त सूचीमा गुगलको पिक्सेल फोन पनि रहेको थियो । तर, केही प्रयोगकर्ताले आफ्नो गुगल पिक्सेल फोनमा टेलिकमको ई-सिम सपोर्ट नभएको गुनासो गरेका छन् ।

टेकपानासँग कुरा गर्दै टेलिकमका उप-प्रबन्धक सञ्जीव कुमार देवले भने, "हामीलाई पनि पिक्सेल फोनमा ई-सिम सपोर्ट भएन भनेर गुनासो आएको थियो । हामीले बुझ्दै जाँदा ई-सिममा समस्या नभएर पिक्सेल फोनकै कारणले ई-सिम सपोर्ट नभएको पाएका छौँ ।"

गुगलले आफ्नो स्मार्टफोन (पिक्सेल) का लागि नेपाललाई टेरिटरी एरियामा राखेको छैन । गुगलले आफ्नो टेरिटरी एरियाभन्दा बाहिरका क्षेत्रमा ई-सिमको नेटवर्क (भेन्डर वा अपरेटर) लक गर्ने गरेको उनको भनाइ छ । यसरी अपरेटर लक गरेकाले उक्त फोनमा टेलिकमको ई-सिम सपोर्ट नभएको प्रारम्भिक खोजबाट निष्कर्ष निस्केको छ ।

त्यस्तै पिक्सेल फोनमा पनि अस्ट्रेलिया, जापान र ताइवान देशका गुगल पिक्सेल थ्री मोडेल र दक्षिण एसियाका गुगल पिक्सेल थ्रीएमा ई-सिम सपोर्ट नहुने बताइएको छ । प्रारम्भिक अध्ययन अनुसार गुगलका अन्य पिक्सेल फोनमा टेरिटरी एरियाभन्दा बाहिरका क्षेत्रमा ई-सिम सपोर्ट नहुने पाइएको छ । यसबारे टेलिकम थप अध्ययन गरिरहेको देवले जानकारी दिए ।