close

गोपनीयताका लागि ब्लकचेन प्रविधिमा आधारित मेसेजिङ एप 'विस्पर'

टेकपाना टेकपाना

असोज १७, २०७९

गोपनीयताका लागि ब्लकचेन प्रविधिमा आधारित मेसेजिङ एप 'विस्पर'

काठमाडौं । विस्पर ब्लकचेन प्रविधिमा आधारित मेसेजिङ एप हो जसले पूर्ण रुपमा विकेन्द्रीत मेसेज सेवा उपलब्ध गराउँछ । यो एपको मुख्य उद्देश्य भनेको प्रयोगकर्तालाई गोपनियता उपलब्ध गराउनु हो । अहिलेको मेसेजिङ एपहरूमा गोपनीयतालाई लिएर सँधै प्रश्न उठ्ने गरेको छ । जसलाई यो एपले सम्बोधन गर्ने एप निर्माणकर्ताले दाबी गरेका छन् ।

प्रविधिको द्रुत विकाससँगै मानिसहरूको दैनिक जीवनमा सञ्चार अथवा सन्देश आदान प्रदान गर्ने तरिकालाई पनि परिवर्तन गर्दै गइरहेको छ । साथै यसले चुनौती पनि थप्दै लगिरहेको छ । मानिसहरू पहिले भन्दा अहिले धेरै एक अर्कामा जोडिएका छन् । सामाजिक सञ्जाल, मेसेजिङ एपहरूले आजको जीवन शैलीमा महत्त्वपूर्ण भूमिका खेल्छन्।

यद्यपि, ह्वाट्सएप र टेलिग्राम जस्ता ठूला टेक कम्पनीहरूका धेरैजसो एपहरूले इन्ड-टु-इन्ड इन्क्रिप्सन प्रयोग गर्ने बताइए पनि यी एपहरूमाथि प्रयोगकर्ताको गोपनीयतालाई लिएर सधैंजसो प्रश्न उठ्ने गरेको छ । यस्ता एपहरूले आफ्नो फाइदाको लागि प्रयोगकर्ताको डेटा बिक्री गरेको जानकारीहरू समय(समयमा आउने गरेको छ ।​

मेसेजिङ एपहरूले सामान्य डेटा सुरक्षा नियमन सहित गोपनीयता नियमहरूको पालना गर्नुपर्छ। यो कानून युरोप र युरोपेली आर्थिक क्षेत्र भित्रका देशहरूको डेटा र गोपनीयताको रक्षा गर्न २०१८ को मे महिनामा लागू भएको थियो। यो नियम अनुसार कहिलेकाही मेसेजिङ एपहरूले जरिवाना पनि तिर्नुपरेको छ ।

यद्यपि विस्पर भने अन्य मेसेजिङ एप भन्दा फरक छ । यो एपले पूर्ण रूपमा पारदर्शी मेसेजिङ सेवा उपलब्ध गराउँछ जहाँ सबै प्रकारका सञ्चार(सन्देशहरू, कलहरू, भिडियो कलहरू, डेटा शेयरिङ लगायतका सम्पूर्ण गतिविधिहरू इन्क्रिप्टेड हुन्छन्।

यो भ्वाइस ओभर ब्लकचेन प्रोटोकल भनिने प्रणालीमा आधारित छ जसले प्रयोगकर्ताहरूको सुरक्षा बढाउन मद्दत गर्छ । विस्परलाई सफ्टवेयर स्टार्टअप क्रिप्टोडेटाद्वारा प्याटेन्टपुल ग्रुप लगायत स्टार्टअपहरूलाई ग फन्डिङमा २० वर्षभन्दा बढी अनुभव भएको कम्पनीसँग सहकार्यमा सुरु गरिएको थियो।​

विस्परले पनि तपाईंको मेसेजहरू र कलहरू पढ्न वा सुन्न सक्दैन । प्राविधिक रूपमा, भीओबीपी एक प्रणाली हो जसले प्रयोगकर्ताको कुराकानी प्रयोगकर्तासम्म मात्र सिमित राख्न मद्दत गर्छ । विस्पर एन्ड्रोइड र आईओएस दुवै डिभाइसमा उपलब्ध छ। एक पटक इन्स्टल भएपछि, एपले प्रयोगकर्ताको फोन नम्बरलाई कोडमा रूपान्तरण गर्छ र तिनीहरूलाई म्याट्रिक्स आईडी दिन्छ । यसले तपाईंको व्यक्तिगत विवरण पूर्ण रुपमा लुकाउन मद्दत गर्छ ।