काठमाडौं । काठमाडौं उपत्यका खानेपानी लिमिटेड (केयुकेएल) ले चार दिनको लागि खानेपानी महशुलको अनलाइन भुक्तानी सेवा बन्द गर्ने भएको छ । सूचना अनुसार खानेपानीको महशुल भुक्तानी मंसिर ६ गते बिहान १० बजेदेखि मंसिर ९ गते बेलुका पाँच बजेसम्म बन्द रहने छ ।
सम्बन्धित सेवाको सफ्टवेयर प्रणालीहरू अद्यावधिक गर्नुपर्ने भएको हुँदा अनलाइन सेवा प्रभावित हुने कम्पनीले जनाएको छ ।
यो अवधिभर कम्पनीको सम्पूर्ण शाखा कार्यालयहरूका अनलाइन भुक्तानी सेवा बन्द रहनेछ । यो सँगै कम्प्युटर मार्फत हुने नयाँ धारा जडानको आवेदन र गुनासो संकलनको काम पनि बन्द रहने कम्पनीले जनाएको छ ।