close

गुगल म्यापले नेपालमा समेत देखाउन थाल्यो सडकमा ट्राफिक जाम भए नभएको लाइभ

टेकपाना टेकपाना

मंसिर ८, २०७९

गुगल म्यापले नेपालमा समेत देखाउन थाल्यो सडकमा ट्राफिक जाम भए नभएको लाइभ

काठमाडौं । गुगल म्याप्सले नेपालमा समेत लाइभ ट्राफिक देखाउन सुरु गरेको छ ।  गुगलले आफ्नो म्याप्स एपको पछिल्लो अपडेट मार्फत नेपालमा समेत आफ्नो यो सेवा विस्तार गरेको हो ।

म्याप सुरु गरेको झन्डै दुई वर्षपछि अर्थात् सन् २००७ मा गुगलले पहिलो पटक सडकको 'रियल टाइम' ट्राफिक अवस्था देखाउने फिचरमा झन्डै १५ वर्षपछि नेपाल समेटिएको छ । 

नेपालको सहरी क्षेत्रको मात्र नभएर मुख्य राजमार्गको ट्राफिक अवस्था समेत गुगल म्यापमा देखिन थालेको छ । प्रयोगकर्ताले गुगल म्यापमा निश्चित गन्तव्य तय गरी नेभिगेसन सुरु गर्दा सडकको ट्राफिक अवस्थाको जानकारी देखिन्छ । 

जसमा निलो रङ्गले जाम नभएको, पहेँलो रङ्गले सडक व्यस्त अर्थात सवारीहरूको सङ्ख्या धेरै भए पनि चलिरहेको र रातो रङ्गले ट्राफिक जाम भइरहेको बुझाउँछ ।