close

फोटोग्राफीमा रुची हुनेहरूलाई लक्षित गर्दै प्यानल छलफल हुँदै, यसरी बन्नुहोस् निःशुल्क शहभागी

टेकपाना टेकपाना

मंसिर ११, २०७९

फोटोग्राफीमा रुची हुनेहरूलाई लक्षित गर्दै प्यानल छलफल हुँदै, यसरी बन्नुहोस् निःशुल्क शहभागी

काठमाडौं । फोटोग्राफीमा रुचि हुने हरूका लागि प्यानल छलफल कार्यक्रम हुने भएको छ । गेहेन्द्र धिमाल फाउन्डेसनको आयोजनामा १७ मंसिर दुई बजेदेखि ३ः३० बजेसम्म काठमाडौंको मण्डिखाटारमा यो कार्यक्रम आयोजना हुने भएको हो ।

चर्चित फोटोग्राफरहरूले नेपाली फोटोग्राफी माथिको विगत छ दशक लामो अनुभवको विषयमा चर्चा गर्ने छन् । कार्यक्रममा फेशन तथा पोट्रेट फोटोग्राफर गौतम धिमाल, ल्यान्डस्केप तथा नेचर फोटोग्राफर जगदिश तिवारी र वाइल्डलाइफ तथा ट्राभल फोटोग्राफर ओम प्रकाश यादव मुख्य वक्ताको रूपमा रहनेछन् ।

नेपालका पहिलो छायाँकार गेहेन्द्र धिमालको सम्झनामा सन् २०२० मा स्थापना भएको फाउन्डेसनले समाजका लागि योगदान गर्नुका साथै फोटोग्राफीमा लाग्नेहरूको सशक्तीकरण गर्ने उद्देश्य लिएको छ ।

यदि तपाईँ पनि यो कार्यक्रममा सहभागी हुन चाहनुहुन्छ भने यहाँ क्लिक गरि निःशुल्क रूपमा रजिस्टर गर्न सक्नु हुनेछ । तर यसका लागि सिट सीमित रहेको आयोजकले जनाएको छ ।