close

पब्जी विश्वकपमा नेपाली टिम ‘डीआरएस गेमिङ’ को अहिलेसम्मकै उत्कृष्ट प्रदर्शन, पुग्यो शीर्ष स्थानमा

टेकपाना टेकपाना

मंसिर १७, २०७९

पब्जी विश्वकपमा नेपाली टिम ‘डीआरएस गेमिङ’ को अहिलेसम्मकै उत्कृष्ट प्रदर्शन, पुग्यो शीर्ष स्थानमा

काठमाडौं । पब्जी मोबाइल ग्लोबल च्याम्पियनशिप (पीएमजीसी) २०२२ मा नेपाली पब्जी टिम डीआरएस गेमिङले ‘लास्ट चान्स’ को पहिलो दिनको खेलमा उत्कृष्ट प्रदर्शन गरेको छ । ‘डीआरएस गेमिङ’ ६ खेलबाट ३२ एलिमिनेसन पोइन्ट र एक चिकेन डिनरसहित कुल ८१ पोइन्ट ल्याएर अङ्क तालिकाको शीर्ष स्थानमा रहेको छ ।

सर्भाइबल स्टेजको सातौँ स्थानमा रहँदै लास्ट चान्समा पुगेको डीआरएसको पीएमजीसी २०२२ मा यो अहिलेसम्म कै उत्कृष्ट प्रदर्शन हो । त्यस्तै लास्ट चान्सको अङ्क तालिकाको दोस्रो स्थानमा ‘अल्फा सेभेन ई-स्पोर्ट्स’ र तेस्रो स्थानमा ‘आईएचसी ई-स्पोर्ट्स’ रहेको छ ।

डीआरएस र अल्फा सेभेन ई-स्पोर्ट्स  बीचको पोइन्ट अन्तर मात्र ६ को रहेको छ । डीआरएस गेमिङलाई आइतबार हुने दोस्रो तथा लास्ट चान्सको अन्तिम दिनको खेलमा आफ्नो लय कायम राख्दै शीर्ष स्थानमा रहेर पब्जी मोबाइल ग्लोबल च्याम्पियनशिपको फाइनलमा अवसर बनाउने सुनोलो अवसर रहेको छ ।

तैपनि अन्तिम चरण प्रवेशको लागि भने लास्ट चान्सको अङ्क तालिकामा शीर्ष ५ नै काफी छ । फाइनलका खेल भने जनवरी ६ देखि ८ सम्म इन्डोनेसियाको जकार्तामा हुनेछ ।