काठमाडौं । राष्ट्रिय योजना आयोगको आधिकारिक वेबसाइट ह्याक भएको छ । ह्याक भएको उक्त साइट अनलाइन जुवा खेलाउने प्लेटफर्ममा रिडाइरेक्ट भएको देखिन्छ ।
साइबर सुरक्षाका विषयमा जानकार विजय लिम्बूका अनुसार आयोगको वेबसाइट पहिले ह्याक गरी अर्काे वेबसाइटमा रिडाइरेक्ट गरिएकाे छ ।
रिडाइरेक्ट गरिएको उक्त साइटबाट 'स्लट ७७७' नामक अनलाइन क्यासिनो खेलको प्रचार गरिएको छ ।
राष्ट्रिय सूचना प्रविधि केन्द्रका उपनर्देशक एवं सूचना अधिकारी रमेशप्रसाद पोखरेलले साइट ह्याक भएको सूचना प्राप्त भइसकेको र त्यसलाई तत्कालै डाउन गर्न लागेको बताएका छन् । उक्त साइट डाउन गरिसकेपछि त्यसबारे थप सूचना सङ्कलन गरिने उनले बताए ।