एन्ड्रोइड १६ मा आधारित साओमीको हाइपरओएस ३.० घोषणा, सुपर आइल्याण्ड सहित यस्ता छन् फिचर

काठमाडौँ । साओमीले आफ्ना डिभाइसका लागि एन्ड्रोइड १६ मा आधारित हाइपरओएस ३.० घोषणा गरेको छ । नयाँ आइकनहरू, परिष्कृत स्टेटस बार, सुपर आइल्याण्ड (Super Island) सुविधा सहित कम्पनीले हाइपरओएसको नयाँ संस्करण प्रदर्शन गरेको हो । यो घोषणा चिनियाँ बजारका लागि भएकोले केही सुविधा र रिलिज मितिहरू फरक हुन सक्ने बताइएको छ ।

केके छन् विशेषता ?

सुपर आइल्याण्ड

हाइपरओएस ३.० मा दिइएको यो सुविधा एप्पलको डाइनामिक आइल्याण्ड जस्तै छ । यसले वास्तविक-समयका एप गतिविधिहरू, अपोइन्टमेन्टहरू, बुकिङहरू र मिडिया प्लेब्याक कन्ट्रोलबारे प्रासंगिक जानकारी प्रदान गर्दछ । हाइपरओएसमा सुपर आइल्याण्ड नोटिफिकेसन प्यानलमा सक्रिय रहन्छ ।

नयाँ डिजाइन

हाइपरओएसको नयाँ संस्करणमा नयाँ आइकनहरू अझ सरल बनाइएको कम्पनीले जनाएको छ । यो आईओएस शैलीसँग मिल्दोजुल्दो छ । यसमा एडजस्ट गर्न मिल्ने होम ग्रिड र परिष्कृत स्टेटस बार पनि रहेको छ ।

एआई क्षमता र प्रदर्शन

नयाँ अपरेटिङ सिस्टमले एआई क्षमतामा सुधार र कार्यसम्पादन वृद्धिका लागि आन्तरिक समायोजन पनि प्रदान गर्दछ ।

एप्पल डिभाइसहरूसँग कनेक्टिभिटी

ओप्पो र वनप्लस जस्तै साओमीले पनि  अब आईफोन, आईप्याड र म्याकसँग कनेक्ट गरेर सहजै डेटा ट्रान्सफर गर्ने सुविधा दिएको छ ।

नयाँ डायलर एप

साओमीले नयाँ डिजाइन गरिएको डायलर एप पनि प्रदर्शन गरेको छ । तर यो चिनियाँ बजारमा मात्र सीमित हुन सक्छ । किनभने ग्लोबल र युरोपियन रोमहरूले गुगलको फोन एप प्रयोग गर्छन् ।

बेटा प्रोग्राम र रिलिज मिति

साओमीले हाइपरओएस ३.० बेटा प्रोग्रामका लागि योग्य उपकरणहरूको सूची र रिलिज मितिहरू पनि सार्वजनिक गरेको छ । स्टेबल हाइपरओएस ३.० संस्करण यस वर्षको चौथो त्रैमासिकमा आउने अपेक्षा छ ।

अगस्ट २९:

• साओमी १५ अल्ट्रा (Xiaomi 15 Ultra)

• साओमी १५एस प्रो (Xiaomi 15S Pro)

• साओमी १५ प्रो (Xiaomi 15 Pro)

• साओमी १५ (Xiaomi 15)

• रेड्मी के८० प्रो (Redmi K80 Pro)

• रेड्मी के८० एक्स्ट्रिम एडिसन (Redmi K80 Extreme Edition)

• साओमी प्याड ७एस प्रो १२.५ (Xiaomi Pad 7S Pro 12.5)

• साओमी प्याड ७ प्रो (Xiaomi Pad 7 Pro)

• पोको एफ७ मोडलहरू (POCO F7 models)

सेप्टेम्बर १७:

• साओमी मिक्स फ्लिप २ (Xiaomi MIX Flip 2)

• रेड्मी के८० (Redmi K80)

• साओमी प्याड ७ अल्ट्रा (Xiaomi Pad 7 Ultra)

• साओमी प्याड ७ (Xiaomi Pad 7)

• रेड्मी के प्याड (Redmi K Pad)

• साओमी टिभी एस प्रो मिनी एलईडी २०२५ सिरिज (Xiaomi TV S Pro Mini LED 2025 series)

• साओमी टिबी एस प्रो मिनी एलईडी सिरिज (Xiaomi TB S Pro Mini LED series)

सेप्टेम्बर ३०:

• साओमी मिक्स फोल्ड ४ (Xiaomi MIX Fold 4)

• साओमी मिक्स फ्लिप (Xiaomi MIX Flip)

• साओमी १४ अल्ट्रा/टाइटेनियम स्पेशल एडिसन (Xiaomi 14 Ultra/Titanium Special Edition)

• साओमी १४ प्रो/टाइटेनियम स्पेशल एडिसन (Xiaomi 14 Pro/Titanium Special Edition)

• साओमी १४ (Xiaomi 14)

• रेड्मी के७० प्रो (Redmi K70 Pro)

• रेड्मी के७० एक्स्ट्रिम एडिसन (Redmi K70 Extreme Edition)

• रेड्मी के७० (Redmi K70)

• रेड्मी के७०ई (Redmi K70E)

• साओमी प्याड ६एस प्रो १२.४ (Xiaomi Pad 6S Pro 12.4)

पछिल्लो अध्यावधिक: भदौ १३, २०८२ १५:२१

टिप्पणीहरू