साओमीले घटायो रेड्मी नोट १४ सिरिजको मूल्य, यस्तो छ नयाँ मूल्य सूची

काठमाडौँ । साओमी नेपालले आफ्नो लोकप्रिय ब्रान्ड रेड्मी नोट १४ सिरिजको मूल्यमा भारी छुट दिने घोषणा गरेको छ । ‘साओमी महा फेस्टिभल’ उत्सवको अवसरमा भन्दै कम्पनीले यस्तो छुट ल्याएको हो । 

रेड्मी नोट १४ सिरिजका विभिन्न भेरियन्टहरूमा एक हजार रुपैयाँसम्मको छुट दिइएको छ । साओमी नेपालका कन्ट्री जनरल म्यानेजर मनु मनस्वालका अनुसार रेड्मी नोट १४ सिरिजले सम्पूर्ण नेपाली ग्राहकहरूको मनमा सधैँ विशेष स्थान बनाएको छ । उनले यो नयाँ मूल्य निर्धारण आफ्नो बाचा पुनः दोहोर्‍याउने प्रयास भएको बताए ।

यस मूल्य समायोजनले अब धेरै प्रयोगकर्ताहरूलाई कुनै सम्झौता नगरी सहज मूल्यमा अत्याधुनिक प्रविधिको अनुभव लिन मद्दत पुग्ने कम्पनीले जनाएको छ । यसले रेड्मी नोट १४ सिरिजलाई अझ सुलभ बनाउने र फ्ल्यागशिप स्तरको डिजाइन र पर्फर्मेन्सको अनुभव सरल मूल्यमा गर्न सकिने अपेक्षा राखिएको छ । 

संशोधित मूल्य सूची

मोडेल	भेरियन्ट	पुरानो मूल्य	नयाँ मूल्य (रु.)
रेड्मी नोट १४	6GB + 128GB	रु. २४,९९९	रु. २३,९९९
	8GB + 256GB	रु. २७,९९९	रु. २६,९९९
रेड्मी नोट १४ (5G)	8GB + 256GB	रु. ३०,९९९	रु. २९,९९९
	12GB + 512GB	रु. ३५,९९९	रु. ३४,९९९

आकर्षक डिजाइन, शक्तिशाली प्रदर्शन र एड्भान्स क्यामेरा सिस्टमको संयोजनको रूपमा रहेको रेड्मी नोट १४ सिरिजको संशोधित मूल्य ७ असोजदेखि लागु भएको हो ।

यो सिरिज नेपालभर रहेका साओमीका सबै आधिकारिक विक्रेता, खुद्रा विक्रेता तथा प्रमुख स्मार्टफोन स्टोरहरूमा उपलब्ध रहेको छ ।

पछिल्लो अध्यावधिक: असोज २२, २०८२ २२:११

टिप्पणीहरू