Now Reading
गुगलको पिक्सेल फोनमा कार दुर्घटना पत्ता लगाउन सक्ने प्रविधि

गुगलको पिक्सेल फोनमा कार दुर्घटना पत्ता लगाउन सक्ने प्रविधि

आश्विन २१, २०७६

गुगलले पिक्सेल फोनमा कार दुर्घटना भएको बारे पत्ता लगाउने प्रविधि ल्याउने भएको छ । उवरले जस्तै गुगलले पनि मोबाइलमा यो प्रविधिको विकास गर्न लागेको हो ।

हाललाई यो प्रविधि अमेरीकीमा मात्र लागु हुने जनाइएको छ । गुगलका अनुसार उक्त एपको नाम ‘पर्सनल सेफ्टी’ रहने छ । उक्त एपले कार प्रयोगकर्तालाई कार दर्घटना भएको खण्डमा जतिसक्दो छोटो समयमा सहायत प्राप्त गर्न मद्धत गर्ने उल्लेख गरिएको छ ।

यसले कार प्रयोगकर्तालाई अझ बढी सुरक्षित बनाउन मद्धत गर्ने विश्वास लिइएको छ । उक्त एपले मोबाइल प्रयोगकर्तालाई उक्त एपले आपतकालीन सम्पर्क नम्बर राख्न सक्ने सुविधा दिनेछ।

यदि द्रुत गतिमा कुदिरहेको कार एक्कासी रोकियो भने उक्त एपले इमरजेन्सी नम्बरमा लोकेसन पठाउनेछ । त्यतिमात्रै नभएर उक्त समयको आवाज पनि म्यासेजको रुपमा त्यस मोबाइलमा पठाउने छ । यदि दुर्घटना नै भएको हो भने मोवाइलमा ठुलो आवाजमा सहयोगको लागि साइरन बज्नेछ ।

See Also

त्यति गर्दा पनि कार चालकबाट कुनै रिस्पोन्स नआएको खण्डमा उक्त लोकेसन पुलीस, फायर र मेडिकलमा पठाइ उद्धारको काममा मद्धत गर्ने जनाईएको छ ।

Facebook Comments
Scroll To Top