Now Reading
होटल चेन ओयोको कुल सम्पत्ति १० खर्ब नाघ्यो

होटल चेन ओयोको कुल सम्पत्ति १० खर्ब नाघ्यो

आश्विन २६, २०७६

भारतको सबैभन्दा ठुलो होटल चेन ओयोका संस्थापक रितेश अग्रवालले आफ्नो कम्पनीमा २ खर्ब भन्दा बढी लगानी थप गर्दै छन् । उनले व्यापारमा आफ्नो हिस्सेदारी बढाएर भारतको दोस्रो सबैभन्दा मूल्यवान स्टार्टअप कम्पनीको रुपमा स्थापित गर्दैछन् । यससँगै नेपालमा समेत आफ्नो सेवा विस्तार गरेको ओयोको कुल सम्पत्ति १० खर्ब नाघेको छ ।

कम्पनीको नयाँ लगानी जुटाउने योजना पनि बनाएको छ । जसमा १ खर्ब ५० अर्बभन्दा बढी लगानी संस्थापकबाट संकलन गरिनेछ । जसमा संस्थापक अग्रवालले मात्रै झन्डै ८० अर्ब नेपाली रुपैंया ओयोमा लगानी गर्ने जनाइएको छ । त्यसबाहेकको लगानी जापानको सफ्ट बैंक र अन्य संस्थापकहरुले गर्ने उल्लेख छ । साथै अग्रवालले सुरुवाती लगानीकर्ताको रुपमा रहेको लाइटस्पिड भेन्चर पार्टनर र सेक्वाइया क्यापिटलबाट १ खर्ब ३० अर्ब भन्दा बढी मूल्य बराबरको शेयर खरिद गर्ने जनाइएको छ । त्यसका लागि बैंक तथा वित्तीय संस्थाबाट सहयोग लिने कम्पनीको योजना छ ।

सन् २०१३ बाट अग्रवालले ओयो सञ्चालनमा ल्याएका थिए । उनले भारतमा रहेका बजेट स्तरका होटलसँगको सहकार्यमा त्यसको सुरुवात गरेका थिए । उनले शुल्क र आम्दानीको साझेदारीमा त्यस्ता होटलको रि–ब्राण्डीङ र पुनः संरचनामा काम गरेका थिए । जुन छोटो समयमा भारतको होटल उद्योगमा प्रमुख खेलाडीको रुपमा स्थापित भयो । जसले आफ्नो सेवा नेपाल लगायत आधा दर्जन भन्दा बढी देशमा गरिसकेको छ । अझ त्यसलाई विश्वव्यापी गर्नकालागि नयाँ लगानी थप गर्ने योजनामा ओयो रहेको छ । ‌ओयोले आफ्नो चेनमा रहेका होटेलको अनलाइन बुकिङ्ग सुविधा समेत दिँदै आएको छ ।

See Also

नयाँ लगानी सँगै अग्रवालको ओयोयमा ३० प्रतिशत शेयर हुनेछ । भने आयोको कुल सम्पत्ति १० खर्ब भन्दा बढी पुग्नेछ । जसले ओयोलाई भारतको दोस्रो ठुलो स्टार्टअप कम्पनीको रुपमा स्थापित गर्नेछ । जुन डिजिटल पेमेन्ट कम्पनी पेटीएम पछि हो । पेटिएमको सम्पत्ति १५ खर्बको हाराहारीमा रहेको छ ।

Facebook Comments
Scroll To Top