Now Reading
भारतमा समेत ‘डाटा प्याक’बाटै टेलिकमको इन्टरनेट, सेवा सक्रिय यसरी गर्नुस्

भारतमा समेत ‘डाटा प्याक’बाटै टेलिकमको इन्टरनेट, सेवा सक्रिय यसरी गर्नुस्

कार्तिक ३, २०७६

भारतमा समेत नेपाल टेलिकमको मोबाइलबाट डाटा प्याक लिएर इन्टरनेट चलाउन पाइने भएको छ । १ कात्तिक देखि लागु हुने गरी अन्तर्राष्ट्रिय रोमिङ सेवा लिई मित्रराष्ट्र भारत जाने कम्पनीका मोबाइल प्रयोगकर्ताका लागि ‘डाटा रोमिङ प्याक’ सञ्चालनमा ल्याएको हो ।


कम्पनीले दैनिक, साप्ताहिक र मासिक गरी तीन किसिमका डाटा रोमिङ प्याक सार्वजनिक गरेको छ । दैनिक प्याक अन्तर्गत २४ घण्टासम्म प्रयोग गर्न सकिने गरी १ सय २५ रुपैयाँमा १०० एमबीको डाटा रोमिङ प्याक उपलब्ध गराइएको छ ।

यसैगरी साप्ताहिक प्याकमा ७ दिनसम्म प्रयोग गर्न मिल्ने गरी ५ सय ५५ रुपैयाँमा ५०० एमबी डाटा तथा मासिक प्याक अन्तर्गत २८ दिन प्रयोगमा ल्याउन सकिने गरी १ हजार १ सय २५ रुपैयाँमा १ जीबी डाटा रहेको छ ।

टेलिकमको डाटा रोमिङ प्याक सुविधा लिनका लागि ग्राहकहरुले अन्तर्राष्ट्रिय रोमिङ सेवा सुचारु गरेका भने हुनुपर्छ । प्रिपेड मोबाइल प्रयोगकर्ताहरुले मोबाइलबाट *1415# डायल गरी तथा कम्पनीको मोबाइल एप मार्फत अन्तर्राष्ट्रिय रोमिङ सेवा सुरु गर्न सक्नुहुनेछ । पोष्टपेड मोबाइल ग्राहकहरुले भने सेवा लिनका लागि ग्राहक सेवा केन्द्रमै जानुपर्ने बाध्यता छ ।

अन्तर्राष्ट्रिय रोमिङ सेवा लिएर भारत पुगी त्यहाँका स्थानीय नेटवर्कमा रजिष्टर्ड (ल्याच) भइसकेपछि मात्र आफ्नो इच्छा अनुसारका प्याकहरु नेपाल टेलिकम एपमार्फत अथवा यूएसएसडी कोड *1415# डायल गरी खरिद गर्न सकिनेछ ।

See Also

नेपाल टेलिकम मोबाइल एप मार्फत तथा *1415# डायल गरी ‘इन्टरनेशनल सर्भिस’ मेनुभित्र गई प्राप्त निर्देशन अनुसार डाटा प्याक खरिदगर्न सकिने छ । साथै एसएमएसबाट समेत प्याक लिन सकिने कम्पनीले जनाएको छ । त्यसका लागि दैनिक, साप्ताहिक र मासिक प्याकहरु खरिद गर्न क्रमशः INDRM1D, INDRM7D र INDRM28D लेखी १४१५ मा एसएमएस पठाउनुपर्ने हुन्छ ।

कम्पनीले गएको २० भदौ देखि नै भारतमा डाटा रोमिङ सेवा उपलब्ध गराउँदै आएको छ ।

Facebook Comments
Scroll To Top