Now Reading
ओप्पो रेनो टू एफको बिक्री सुरु, पहिलाे फोन किन्नेलाई विशेष उपहार

ओप्पो रेनो टू एफको बिक्री सुरु, पहिलाे फोन किन्नेलाई विशेष उपहार

कार्तिक ६, २०७६

मोबाइल निर्माता कम्पनी ओप्पोले नेपालमा आफ्नो बहुप्रतिक्षित मोडल ओपो रेनो टू एफको बिक्रि सुरु गरेको छ । ओप्पोले शुक्रबार पाको न्यूरोडमा रहेको आफ्नो आधिकारिक शोरुममा आयोजित फस्टसेल कार्यक्रम मार्फत बिक्रि आरम्भ गरेको हो ।

ओपो रेनो टू एफका लागि आयोजित फस्ट सेल कार्यक्रममा नायिका तथा ओपो नेपालकी ब्राण्ड फ्रेण्ड स्वस्तिमा खड्काको पनि उपस्थिति रहेको थियो । कार्यक्रममा उनले अग्रिम बुकिङ गर्ने तथा सोही दिन फोनको खरिद गर्ने उपभोक्तालाई आफ्नो हस्ताक्षर सहतिको फोन तथा विशेष उपहार हस्तान्तरण गर्नुका साथै ईच्छुकसँग सेल्फी तथा तस्विर समेत खिचेकी थिइन् ।

कम्पनीका अनुसार रेनो टू एफमा क्वाड (चारओटा) क्यामरा छन् । त्यसमा ४८मेगापिक्सेलको अल्ट्रा क्लियर मेन लेन्स, ८ मेगापिक्सेलको वाइड एंगल लेन्स, एउटा मोनो लेन्स र २ मेगापिक्सेलको पोट्रेट लेन्स रहेका छन् । क्यामरामा एफ १.७९ अपार्चर र १ र २.२५ इन्च सेन्सर दिइएको छ ।

कम्पनीका अनुसार यो फोन फोटोग्राफिका साथै भिडियोग्राफिको लागि पनि उत्तिकै महत्वपूर्ण हुनेछ । त्यस्तै ओप्पोले गेमर्सलाई ध्यानमा राख्दै चार हजार एमएएच (टीवाईपी) ब्याट्री स्मार्टफोनमा राखेको छ । यो ब्याट्रीलाई मोबाइल गेम खेल्दै गर्दाको बखतमा समेत चार्ज गर्न सकिने उल्लेख छ ।

See Also

फोनमा स्मार्ट एआई रेफ्रिजेरेटरको ब्यवस्था पनि छ । यसले मोबाइल प्रयोगमा नभएको बेला एपलाई फ्रिज गरी ब्याट्री बचतमा सघाउँछ । त्यसकालागि फोनमा भोक फ्ल्याश चार्ज ३.० प्रविधि प्रयोगमा ल्याइएको कम्पनीले जनाएको छ ।

कम्पनीका अनुसार भीएफसी फास्ट चार्जिङ अल्गोरिदमले प्रत्यक्षरुपमा ट्रिक्लिङ चार्जिङको गति बढाएर ३० मिनेटमा ५१ प्रतिशत चार्ज गर्ने बताइएको छ । यसको बजार मुल्य ४६ हजार नौ सय ९० रुपैयाँ रहेको छ ।

Facebook Comments
Scroll To Top