काठमाडौं । सञ्चार तथा सूचना प्रविधि (आईसीटी)को यो जमानामा शिक्षा क्षेत्रमा पनि आमूल परिवर्तन आएको छ । परम्परागत शैक्षिक कार्यक्रममा विद्यार्थीको आकर्षण घट्दो छ ।
सीप सिकाउने तथा रोजगार बन्न सघाउने नयाँ कोर्ष भित्रिएका छन् । तर धेरै विकल्प हुँदा आफूलाई कुन उपयुक्त कोर्ष हुन्छ भन्ने विषयमा विद्यार्थीमा अन्यौलता देख्न सकिन्छ ।
यसैबीच स्नातक तहमा सूचना प्रविधि कार्यक्रम पढ्न चाहनेका लागि काठमाडौं विश्वविद्यालय (केयू) ले बीएससी ईन कम्प्युटर साइन्स कार्यक्रमका लागि भर्ना खुलाएको छ ।
आज हामी यो कस्तो कार्यक्रम हो, कस्ता विद्यार्थीले पढ्न पाउँछन् र प्रवेश परीक्षाका लागि कसरी आवेदन दिने भन्ने विषयमा जानकारी दिँदै छौं ।
कस्ताे काेर्ष हाे बीएससी ईन कम्प्युटर साइन्स ?
कुल १३२ क्रेडिट आवर रहेकाे याे चार वर्षे (८ सेमेस्टर)काे शैक्षिक कार्यक्रममा विशेषगरी सफ्टवेयर डेभलपमेन्ट, एल्गाेरिदमका साथै गणितका विषय समावेश गरिएकाे छ ।
केयूकाे डिपार्टमेन्ट अफ कम्प्युटर साइन्स एण्ड इन्जिनियरिङ्गले याे काेर्ष सञ्चालन गरिरहेकाे छ । विशेषगरी कम्प्युटिङ समस्यालाई प्रभावकारी ढंगले समाधान गर्ने कुरामा याे काेर्ष केन्द्रित छ ।
क-कसले अध्ययन गर्न पाउँछन् ?
कक्षा ११ र १२ मा विज्ञान विषय लिएर सबै विषयहरुमा न्यूनतम सी ग्रेड ल्याएका विद्यार्थीहरु यस काेर्ष गर्न याेग्य हुन्छन् ।
पढाइपछिकाे अवसर
याे काेर्ष गरेपछि सरकारी अथवा विभिन्न गैरसरकारी संंघसंस्थामा कम्प्युटर प्राेगामर, कम्प्युटर सिस्टम इन्जिनियर, कम्प्युटर सपाेर्ट स्पेसालिस्ट लगायतका भूमिकामा रही काम गर्न सक्छन् ।
साथै विश्वविद्यालयले अन्तिम समेस्टरकाे अन्तिम ३ महिनामा विद्यार्थीहरुलाई विभिन्न कम्पनीहरुमा इन्टर्नशिप लागि समेत पठाउने गरेकाे छ, जसले गर्दा विद्यार्थीहरुलाई काम पाउन सजिलाे हुने डिपार्टमेन्ट अफ कम्प्युटर साइन्स एण्ड इन्जिनियरिङका प्रमुख बालकृष्ण बलले बताए ।
काेटा र छात्रवृत्ति
हाल केयूले याे काेर्षमा ६० जना मात्रै विद्यार्थी भर्ना लिने गरेकाे छ । साथै प्रवेश परीक्षा र प्रत्येक सेमेस्टरमा मेरिट बेसका आधारमा छात्रवृत्तिका प्रदान गर्ने गरेकाे छ । यसबाहेक केयूले राम्राे पढाइ भएका, तर आर्थिक अवस्था कमजाेर भएका विद्यार्थीलाई पनि छात्रवृत्ति उपलब्ध गराउने गरेकाे छ ।
शुल्क
याे काेर्ष पढ्न ८ लाख रुपैयाँ लाग्नेछ । पढाइ काभ्रे धुलिखेलमा हुने भए पनि याे वर्ष केयूले विद्यार्थीलाई सहज हाेस भन्ने उद्देश्यले देशका विभिन्न ठाउँहरुमा प्रवेश परीक्षा लिँदैछ ।
प्रवेश परीक्षाका लागि कहाँ आवेदन दिने ?
इच्छुक विद्यार्थीले भदाै २५ सम्म यहाँ क्लिक गरी आवेदन दिनसक्ने छन् । विश्वविद्यालयका अनुसार प्रवेश परीक्षा विराटनगर, जनकपुर, भरतपुर, धुलिखेल, काठमाडाैं, पाेखरा, बुटवल र महेन्द्रनगरमा सञ्चालन हुनेछ ।