close

केपी ओलीको पोस्टभन्दा त्यसैमा बालेनले गरेको कमेन्टमा धेरै लाइक आएपछि...

टेकपाना टेकपाना

जेठ २२, २०८१ ११:४८

केपी ओलीको पोस्टभन्दा त्यसैमा बालेनले गरेको कमेन्टमा धेरै लाइक आएपछि...

काठमाडौं । सोमवार साँझदेखि सामाजिक सञ्जाल फेसबुकमा काठमाडौं महानगरपालिकाका प्रमुख बालेन्द्र शाह (बालेन) को कमेन्ट र पूर्वप्रधानमन्त्री एवं नेकपा (एमाले)का अध्यक्ष केपी शर्मा ओलीकाे पोस्टमा आएका रियाक्सनको चर्चा भइरहेको छ । फेसबुकमा बालेन वा केपी ओली सर्च गर्‍यो भने बालेन यति सङ्ख्याले अगाडि वा ओली यतिले पछाडि परे भन्ने किसिमका मिम पोस्ट भइरहेका छन् । 

यसो त बालेन र ओलीको विषयमा मिम बन्न थालेको सोमबार बिहानदेखि नै हो । शाहले ओलीलाई लक्षित गर्दै सोमबार बिहान ९ः५२ बजे लामो स्टाटस राखेका थिए । सो स्ट्याटसको अन्तिममा उनले भनेका छन्, “अनि समयमै गिरिबन्धुमा पीडितको बैना फिर्ता गर्नु होला । नत्र कोही साँच्चैको नयाँ आउला र फाइल पल्टाउला । हुन त, पहिले पनि जेल बस्नु भएको हो । धन्यवाद ।”

त्यसपछि दिनभर बालेनको त्यही डाइलगले चर्चा पायो । त्यसैलाई लिएर एक पत्रकारले ओलीलाई बालेनले राखेको पोस्टमा के टिप्पणी छ भनेर सोधिन् । त्यसको जवाफ दिंदै ओलीले भने, “बालेनलाई सोध्नुस् ।”

ओलीको उक्त टिप्पणीले पनि सामाजिक सञ्जालमा चर्चा नै पायो । ओलीले सोमबार राति ९ बजे फेसबुक पेजमा पत्नी राधिका शाक्य र आफ्नो फोटो राखे । सोही पोस्टमा बालेनले लेखे, “ओ हो, गुड नाइट केपी बा, ह्याभ र स्वीट ड्रिम ।”

बालेनले कमेन्ट गरेको केही मिनेटमै त्यसमा रियाक्ट गर्नेहरू ओर्लिए । जसले गर्दा कमेन्ट गरेको आधि घण्टामै पोस्टभन्दा कमेन्टमा बढी रियाक्सन थपिए । यो समाचार तयार पार्दासम्म पोस्टमा ५७ हजार बढी रियाक्सन छ भने बालेनको कमेन्टमा ९० हजार बढी रियाक्सन छ । त्यही रियाक्सनलाई लिएर बालेन चर्चित कि ओली भन्ने बहस भइरहेको छ ।

पछिल्लो अध्यावधिक: जेठ २२, २०८१ १२:०