सरकार, राजनीतिक दल र जेनजी पुस्ताबिच भोलि त्रिपक्षीय छलफल हुँदै

काठमाडौँ । सरकार, राजनीतिक दल र जेनजी पुस्ताबिच बुधबार छलफल हुने भएको छ । २१ फागुनमा घोषणा भएको प्रतिनिधिसभा निर्वाचनको वातावरण निर्माण गर्न सरकारले त्रिपक्षीय छलफल आयोजना गरेको हो ।  

सञ्चार तथा सूचना प्रविधिमन्त्री जगदीश खरेलले निर्वाचनको माहोल बनाउन पहिलो पटक सरकार, राजनीतिक दल र जेनजी पुस्ताबिच संयुक्त बैठक हुन लागेको बताएका छन् ।  उनले निर्वाचन सफल बनाउन राजनीतिक दल र सम्बद्ध पक्षहरुसँग चरणबद्ध वार्ता र छलफल भइरहेको जानकारी दिए । 

यसअघि प्रधानमन्त्री सुशीला कार्कीको आह्वानमा ४ कात्तिकमा सरकार र राजनीतिक दलहरूबिच छलफल भएको थियो । 

पछिल्लो अध्यावधिक: कात्तिक ११, २०८२ १९:४६

टिप्पणीहरू