६० वाट फास्ट चार्जिङसहित ‘ओप्पो के नाइन प्रो’ सार्वजनिक
असोज १२, २०७८ ११:१५
काठमाडौं । चिनियाँ ब्राण्ड ओप्पोले बजारमा नयाँ स्मार्टफोन सार्वजनिक गरेको छ । कम्पनीले हालै ‘ओप्पो के नाइन प्रो’ सार्वजनिक गरेको हो । यो फोन मिडियाटेक डाइमेन्सिटी १२०० चिपसेटद्धारा सञ्चालित छ ।
फोनमा ६.४३ इन्चको ओलईडी फुल एचडी प्लस रेजोलुसन, १२० हर्ज रिफ्रेस रेट र १८० हर्ज टच स्याम्प्लिङ रेट रहेको छ ।
त्यस्तै यसमा ६४ मेगापिक्सेलको मुख्य सेन्सरसहित ८ मेगापिक्सेलको अल्ट्रावाइड र २ मेगापिक्सेलको म्याक्रो क्यामेरा रहेको छ । सेल्फीका लागि १६ मेगापिक्सेलको सेन्सर छ ।
फोनमा ४५०० एमएएचको ब्याट्री छ, जुन ६० वाटको फास्ट चार्जरसहित आउँछ ।
एन्ड्रोइड ११ मा आधारित कलरओएस ११.३ मा चल्ने फोन ब्ल्याक र ब्ल्यु गरी दुई कलरमा उपलब्ध छ ।
चिनियाँ बजारमा यो फोनको मूल्य ८/१२८ जीबी भेरियन्टको २१९९ (४० हजार रूपैयाँ) र १२/२५६ जीबी भेरियन्टको २६९९ (४९ हजार रूपैयाँ) रहेको छ ।
पछिल्लो अध्यावधिक: असोज २, २०७९ २२:३१
