दक्षिण एसियाका पब्जी टिमबीच प्रतिस्पर्धा सुरु, नेपालका ८ टिम सहभागी हुँदै
चैत ११, २०७७ ८:१५
काठमाडौं । दक्षिण एसियाको सबैभन्दा ठूलो पब्जी मोबाइल प्रतियाेगिता ‘पब्जी माेबाइल प्राे लिग सिजन ३’ (पीएमपीएल) मंगलबारदेखि सुरु भएको छ ।
कुल पुरस्कार राशी एक लाख ५० हजार अमेरिकी डलर रहेकाे प्रतियाेगितामा नेपालसहित पाकिस्तान, बंगलादेश लगायतका पब्जी टिम सहभागी हुँदै छन् ।
भारतमा पब्जी प्रतिबन्ध रहेकाले त्यहाँका कुनै पनि टिम सहभागी छैनन् । याे प्रतियाेगितामा नेपालका ८ टिमसहित कुल २० टिमले प्रतिस्पर्धा गर्दै छन् ।
सहभागी हुने नेपाली टोलीमा कार्नेज ईस्पोर्ट्स, पीएन क्रू, हाई भोल्टेज, एएसएल, डीआरएस, डीई, टीटूके र सेभेन एसईएएस रहेका छन् ।
पछिल्लो अध्यावधिक: असोज २, २०७९ २२:३१
