अब मोबाइल हराउँदा प्रहरी कार्यालय जानु नपर्ने
माघ २०, २०७९ १६:२२
काठमाडौं । अब मोबाइल चोरी हुँदा वा हराउँदा प्रहरी कार्यालय धाउनु नपर्ने भएको छ । दूरसञ्चार क्षेत्रको नियामक निकाय नेपाल दूरसञ्चार प्राधिकरणले सञ्चालन गरिरहेको ईआईआर प्रणालीमा नयाँ सुविधा थप गर्न लागेको छ ।
यसपछि मोबाइल सेट हराउँदा सेवाग्राही प्रहरीकहाँ जानु पर्दैन । नयाँ सुविधा अनुसार हराएको मोबाइल सम्बन्धी अनलाइन आवेदन पर्नासाथ त्यसको जानकारी प्रहरीलाई पुग्नेछ ।
यसअघि प्रहरी कार्यालयमा निवेदन दर्ता गराएपछि मात्रै प्राधिकरणाको ईआईआर प्रणालीमा आवेदन दिन मिल्थ्यो । अब प्राधिकरणको मोबाइल लस्ट ट्याक एप्लिकसेनमा आवेदन दिएपछि यसको सूचना प्रहरी प्रधान कार्यालयलाई पनि पुग्ने र प्रहरीले सम्बन्धित शाखा र युनिटलाई यसबारे खबर प्रवाह गर्नेछ ।
प्राधिकरण स्रोतका अनुसार यो सुविधा चाँडै लागू हुनेछ ।
सम्बन्धित समाचार: मोबाइल हरायो ? अनलाइनबाट यसरी ट्र्याक वा ब्लक गर्नुहोस्
पछिल्लो अध्यावधिक: माघ २०, २०७९ १६:२२
