काठमाडौं । साओमीले नेपाली बजारमा रेड्मीको नयाँ स्मार्टफोन रेड्मी नोट १२ फाइभजी सार्वजनिक गरेको छ । फोनमा १२० हर्जको रिफ्रेसरेट सहितको ६.६७ इन्चको एमोलेड डिस्प्ले उपलब्ध गराइएको छ । साथै फोनमा रिडिङ मोड, नेटफ्लिक्स एचडी जस्ता फरक-फरक कुराको लागि फरक-फरक डिस्प्ले मोड पनि उपलब्ध गराइएको छ ।
यस्ते फोनमा ३३ वाटको फास्ट चार्जिङ सपोर्ट सहितको ५००० एमएच ब्याट्री छ भने ग्राहकले यो फोन खरिदमा चार्जर नि:शुल्क प्राप्त गर्न सक्नेछन् । फोनमा स्न्यापड्रागन फोर जेन वान चिपसेट प्रयोग गरिएको छ । यो फोन एन्ड्रोइड १२ र मीयूआई १४ मा आधारित छ ।
फोनमा ४८ मेगापिक्सेलको मुख्य क्यामेरा सहित ८ मेगापिक्सेलको अल्ट्रा-वाइड क्यामेरा, २ मेगापिक्सेलको म्याक्रो क्यामेरा र १३ मेगापिक्सेलको फ्रन्ट क्यामेरा उपलब्ध छ ।
साथै फोनमा साइड फिङ्गरप्रिन्ट सेन्सर र एआई फेस लक फिचर पनि उपलब्ध गराइएको छ ।
नेपाली बजारमा ६ जीबी र्याम र १२८ जीबी स्टोरेज भेरियन्टको मूल्य २९,९९९ रुपैयाँ तोकिएको छ भने ८ जीबी र्याम र २५६ जीबी स्टोरेजको मूल्य ३१,९९९ रुपैयाँ तोकिएको छ ।
ग्राहकका लागि भने यो फोन जुन ११ बाट मात्र उपलब्ध हुने कम्पनीले जनाएको छ ।