आईफोनमा च्याटजीपीटी ल्याउन ओपनएआईसँग वार्ता गर्दै एप्पल
बैशाख ३०, २०८१ ११:२
काठमाडौं । एप्पलले आगामी आईओएस १८ मा एआई फिचर समावेश गर्न ओपनएआईसँग सहकार्य गर्ने भएको छ । हालै बाहिरिएकाे एक खबर अनुसार एप्पलले आईओएस डिभाइसमा ल्याङ्ग्वेज मोडेल (एलएलम) का लागि ओपनएआईसँग सहकार्य गर्न लागेको हो ।
कम्पनीहरूबीचको वार्ता अन्तिम चरणमा रहेकाले औपचारिक घोषणा भइसकेको छैन । प्रविधि विश्लेषक मार्क गर्मानले एप्पलले आगामी आईओएसमा च्याटबट जस्ता जेनेरेटिभ एआई सुविधाहरू समावेश गर्न ओपनएआईसँग सम्झौताको अन्तिम चरणमा रहेको बताएका छन् ।
सामाजिक सञ्जाल एक्समा पोस्ट गर्दै उनले यसबारे कम्पनीहरूबीच वार्ता जारी रहेको उल्लेख गरेका छन् ।
BREAKING: Apple is finalizing a deal with OpenAI to power some Generative AI features — like a chatbot — for the new iOS this year. Talks with Google to integrate Gemini are ongoing but no deal has been reached. https://t.co/8CqoiLM2uO
— Mark Gurman (@markgurman) May 11, 2024
एप्पलले आधिकारिक रूपमा आउँदो जुन हुने वर्ल्डवाइड डेभलपर कन्फ्रेन्समामा आईओएस १८ घोषणा गर्नेछ । त्यसैले हामीले त्यसबेला नै यी सम्झौता कसरी भएका छन् भन्ने कुरा पक्कै थाहा पाउनेछौं ।
पछिल्लो अध्यावधिक: बैशाख ३०, २०८१ ११:२
