कल सेन्टरमा सीआईबीको छापा: क्रिप्टो कारोबार र अनलाइन जुवा खेल्ने २ चिनियाँसहित ५० पक्राउ
भदौ २७, २०८१ १५:२७
काठमाडौं । अवैध कल सेन्टरमार्फत क्रिप्टो कारोबारदेखि अनलाइन जुवा खेलेको आरोपमा दुई चिनियाँ र एक फिलिपिन्स नागरिकसहित ५० जना पक्राउ परेका छन् ।
केन्द्रीय अनुसन्धान ब्युरो (सीआईबी)बाट खटिएको प्रहरीको विशेष टोलीले बुधवार ललितपुरस्थित एकान्तकुनाको एक घरबाट उनीहरूलाई नियन्त्रणमा लिएको हो ।
अवैध कल सेन्टर सञ्चालनमा आएको गोप्य सूचनापछि छापा मार्दा क्रिप्टो कारोबार तथा अनलाइन जुवा खेलाइरहेको अवस्थामा उनीहरू पक्राउ परेको ब्युरोका प्रवक्ता एवं प्रहरी उपरीक्षक होवीन्द्र बोगटीले जानकारी दिए ।
बोगटीका अनुसार उनीहरूमाथि थप अनुसन्धान भइरहेको छ ।
पछिल्लो अध्यावधिक: भदौ २७, २०८१ १५:३४
