ह्याकरहरूको विश्वकपमा नेपाल शीर्ष १६ मा प्रवेश

कात्तिक ४, २०८१ १३:१०

काठमाडौं । नेपाली ह्याकरको टोली ‘ह्याकरवन एम्बास्डर वर्ल्डकप २०२४’ प्रतियोगिताको शीर्ष १६ मा प्रवेश गरेकाे छ । ह्याकरहरूको सबैभन्दा ठूलो प्रतिस्पर्धा मध्येको एक यो प्रतियोगितामा नेपाल विभिन्न चरण पार गर्दै शीर्ष १६ मा पुगेको हो ।

टेकपानासँग कुरा गर्दै टिम नेपालका लिडर आनन्द ढकालले नेपाल क्वालिफायर्स र ग्रुप स्टेज पार गरी शीर्ष १६ मा पुगेको जानकारी दिए । यी दुवै चरण भर्चुअल रूपमा भएका थिए । क्वालिफायर्स राउन्डमा नेपाल शीर्ष छैटौं स्थानमा परेको थियो । त्यस्तै ग्रुप स्टेजमा टिमकै पहिलो स्थानमा नेपाल परेको थियो ।

सो ग्रुपमा १३८ पोइन्टका साथ नेपाल शीर्ष स्थानमा थियो भने ६६ स्थानका साथ मोरोक्को दोस्रो, २० पोइन्टका साथ जापान तेस्रो र ६ पोइन्टका साथ ‘इन्डिया फोर’ भारत चौंथो स्थानमा परेका थिए ।

ढकालका अनुसार २२ अक्टोबरदेखि १ नोभेम्बरसम्म ‘स्विट सिक्सटिन’ प्रतिस्पर्धा हुनेछ । त्यसपछि शीर्ष आठको ‘इलाइट एट’ प्रतिस्पर्धा हुनेछ । यो नोभेम्बरदेखि डिसेम्बरसम्म हुने बताइएको छ । यसको फाइनल प्रतिस्पर्धा मार्च २०२५ मा हुने भनिएको छ । यद्यपि यो मिति विविध कारणले सर्न सक्छ ।

ह्याकरवन एम्बासडर वर्ल्डकप यस्तो प्रतियोगिता हो, जहाँ विश्वभरका ह्याकरहरूको टिम एक-अर्कासँग प्रतिस्पर्धा गर्छन् । यसमा सहभागी ह्याकरको टोलीलाई कुनै पनि सिस्टममा भएका कमजोरी पत्ता लगाउन भनिन्छ ।

तोकिएको समयमा जसले बढी कमजोरी (बग) फेला पार्छ, सोही टिमको अङ्क बढ्दै जान्छ । अन्तिममा जुन टिमले बढी पोइन्ट पाउँछ, उ विजेता घोषित हुन्छ ।

टिम नेपालमा २० जना ह्याकरहरू रहेका छन्:

आनन्द ढकाल

आकाश हमाल

सन्दिप ओली

कुशल ढकाल

प्रशान्त भट्टराई

वैभव आनन्द झा

खगेश्वर जोशी

अविरल श्रेष्ठ

आयुष श्रेष्ठ

विवेक उप्रेती