सेतोपाटीको युट्युब च्यानल ह्याक, क्रिप्टोकरेन्सीको प्रचार हुँदै

काठमाडौं । नेपाली अनलाइन सञ्चार माध्यम सेतोपाटीको आधिकारिक युट्युब च्यानल ह्याक भएको छ । अपरिचित ह्याकरको समूहले सोमबार च्यानल ह्याक गरी नेपालमा अवैध क्रिप्टोकरेन्सीको प्रचार थालेको हो ।

सेतोपाटीले सामाजिक सञ्जाल फेसबुकमार्फत आफ्नो युट्युब च्यानल ह्याक भएको जानकारी दिएको छ । “प्रिय पाठकहरू, सेतोपाटीको युट्युब च्यानल ह्याक भएकाले असान्दर्भिक सामग्रीहरू प्रसारण भइरहेको जानकारी गराउँछौं,” सेतोपाटीले फेसबुकमा लेखेको छ, “हामी समस्या समाधानको प्रयास गरिरहेका छौं ।”

ह्याक भएको च्यानलमा तीन लाख ७४ हजारभन्दा बढी सब्सक्राइबर रहेका छन् । ह्याकरले च्यानलको नाम परिवर्तन गरी ‘रिप्पल’ राखेका छन् । च्यानलको लोगो र कभर फोटो पनि परिवर्तन गरिएको छ भने डिस्क्रिप्सन हटाइएको छ । अन्य सामग्री भने यथावत् छन् ।

पछिल्लो अध्यावधिक: माघ १४, २०८१ १३:४२

टिप्पणीहरू