काठमाडौं । गुगलकाे नयाँ सिस्टम अपडेट सार्वजनिक गरेकाे छ । नयाँ अपडेटसँगै कम्पनीले एन्ड्रोइड ओएस, गुगल प्ले स्टोर, गुगल प्ले सर्भिसमा केही नयाँ फिचर उपलब्ध गराएको छ ।
यसअन्तर्गत गुगलले नियरबाई शेयरलाई थप परिष्कृत गरेको छ । कम्पनीले लामो समयदेखि चर्चामा रहेको फिचर ‘सेल्फ शेयरिङ’ फिचर उपलब्ध गराएको छ ।
योसँगै अब एउटै गुगल अकाउन्टबाट लगइन भएको दुईवटा डिभाइसमा बिना कुनै रोकावट फाइल शेयर गर्न सकिने छ । यसको अर्थ आफ्नै दुई फरक एन्ड्रोइड डिभाइसमा अब फाइल शेयर गर्न सकिने छ ।
यसका साथै यो फिचर लागू भएसँगै एउटा डिभाइसबाट अर्को डिभाइसमा फाइल पठाउँदा हरेक फाइल पठाउने क्रममा अप्रुभ गरिराख्नु पर्ने झन्झट पनि नहुने जनाइएको छ ।