अब बोलेकै भरमा नेपाली टाइपिङ
असार १, २०७९ १५:१६
काठमाडौं । अब हिज्जे डटकममा भ्वाइस टाइपिङ पनि गर्न मिल्ने भएकाे छ । नेपाली भाषाकाे शुद्धाशुद्धीमा सघाउँदै आएको यो प्लेटफर्ममा भ्वाइस टाइपिङ सुविधा पनि आउन लागेको हो ।
इन्टिग्रेटेड आईसीटी प्रालिले सञ्चालमा ल्याएकाे हिज्जे डटकममा बेटा संस्करणका रूपमा भ्वाइस टाइपिङ सुविधाकाे परीक्षण थालिएकाे छ ।
यो फिचरमा अझै धेरै कुरा अपग्रेड गर्न बाँकी रहेको कम्पनीका सह-संस्थापक विरोध रिजालले जनाए ।
‘हामीले सकेसम्म चाँडै यो फिचर उपलब्ध गराउने प्रयासमा छौं, टेकपानासँगकाे कुराकानीमा उनले भने, ‘नेपाली भाषाको नयाँ मोडलमा काम भइरहेकाे छ । आवश्यक अपग्रेडसहित यो फिचर चाँडै नै सार्वजनिक हुनेछ ।’
अहिलेको बेटा संस्करणमा प्रयोगकर्ताले ३० सेकेन्डसम्मको आवाज रेकर्ड गरेर शब्दमा कन्भर्ट गर्ने सुविधा दिइएकाे छ । त्यस्तै १५ सेकेन्डसम्मको क्लिप अपलोड गरेर अडियोलाई टेक्स्टमा रुपान्तरण पनि गर्न सकिनेछ ।
हाललाई बोल्दा बोल्दै निरन्तर लेख्ने सुविधा भने राखिएको छैन । तर यस्तो सेवा चाहिएमा उपलब्ध गराउन सकिने रिजालको भनाइ छ ।
बेटा भर्सन प्रयोग गर्न यहाँ क्लिक गर्नुहोस् ।
पछिल्लो अध्यावधिक: असोज २, २०७९ २२:३३
