सन्तुष्ट एन्ड्रोइड फोन प्रयोगकर्ताको सूचीमा सामसङ पहिलो स्थानमा

काठमाडौं । अन्टुटुले जुन महिनाको सन्तुष्ट एन्ड्रोइड स्मार्टफोन प्रयोगकर्ताकाे सूची सार्वजनिक गरेको छ । पहिलो सूचीमा कुन फोन पर्‍यो होला, अनुमान गर्नुहाेस् त ?

अन्टुटुले गरेको सर्वेक्षणमा सामसङ ग्यालेक्सी नोट २० फ्ल्यागशिप २०२० पहिलो सूचीमा परेको छ । सर्वेक्षणअनुसार सामसङ ग्ल्यालेक्सी नोट ट्वान्टीले सबैभन्दा बढी सकारात्मक प्रतिक्रिया पाएकाे छ ।

९६.९२ प्रतिशत सकारात्मक प्रतिक्रिया हुँदाहुँदै पनि दक्षिण कोरियाली कम्पनी सामसङले नोट सिरिजका फोन उत्पादन बन्द गरेको छ ।

यद्यपि सामसङका अन्य फोनको बिक्री भने पछिल्ला वर्षहरूमा औसत नै रहेको छ । विश्व बजारमा सर्वाधिक बिक्री हुने एन्ड्रोइड फोनको सूचीमा पहिलो सामसङ पहिलो अंकमा छ ।

सन्तुष्ट प्रयोगकर्ता भएका फोनको सूचीमा दोस्रो स्थानमा केही महिनाअघि मात्र सार्वजनिक भएको ओप्पो के१० फाइभजी फोन रहेको छ । यद्यपि ओप्पोको ‘के’ सिरिज भने फ्लयागशिप प्रडक्ट लाइनमा छैन । यस मोडलकाे स्मार्टफाेनले ९४.३३ प्रतिशत सकारात्मक प्रतिक्रिया पाएकाे छ ।

यस्ताे छ शीर्ष १० सूची

१) ग्यालेक्सी नोट २० अल्ट्रा (९६.९२)

२) ओप्पो के१०  फाइभजी (९४.३३ प्रतिशत)

३) ब्ल्याक शार्क फाइभ (९२.३५ प्रतिशत)

४) अनर ७० प्रो (९१.४३ प्रतिशत)

५) आईकू जेट५एक्स (९०.६२ प्रतिशत)

६) आइकू नियो ५ भाइटालिटि एडिसन (८८.७ प्रतिशत)

७) ओप्पो फाइन्ड एक्स ३ प्रो (८५.५६ प्रतिशत)

८) अनर म्याजिक ३ प्रो (८५.५६ प्रतिशत)

९) आईकू जेट ५ (८७.९२ प्रतिशत)

१०) ओप्पो के९ प्रो फाइभजी (८७.६९ प्रतिशत)

पछिल्लो अध्यावधिक: असोज २, २०७९ २२:३३

टिप्पणीहरू