संघीय संसदमा विद्युतीय हाजिरी लागू गर्न सभामुखको निर्देशन
बैशाख २४, २०८० १५:४५
काठमाडौं । संघीय संसदमा विद्युतीय हाजिरी (ई-हाजिरी) राखिने भएको छ । आज सिंहदरबारमा प्रतिनिधि सभाको कार्यव्यवस्था परामर्श समितिको बैठकले यस बारे निर्णय गरेको हो ।
बैठकपछि प्रतिनिधि सभाको सभामुख देवराज घिमिरेले ई-हाजिरीको तयारी गर्न सचिवालयलाई निर्देशन दिएको छ ।
त्यस्तै अब सांसदहरुको उपस्थितिलाई वेबसाइटमार्फत समेत सार्वजनिक गरिने भएको छ । संसद सचिवलायका सहायक प्रवक्ता तथा सूचना अधिकारी दशरथ धमलाले टेकपानासँग कुरा गर्दै यसको काम छिट्टै अगाडि बढाउने जानकारी दिए ।
“हामीले यी दुवै काम अगाडि बढाउने निर्देशन पाइसकेका छौं,” उनले भने, “ठ्याक्कै कहिलेबाट काम सुरू हुन्छ भनेर त भन्न सकिएन । तर प्रकिया अगाडि बढिसकेको छ ।”
यो व्यवस्था भए पछि सांसद हाजिर गरेर हिँड्ने प्रवृत्ति रोकिने विश्वास लिइएको छ ।
पछिल्लो अध्यावधिक: जेठ ८, २०८० १३:३८
