एप्पलको सहयोगमा विश्वको सबैभन्दा ठूलो स्मार्टफोन उत्पादक देश बन्दै भारत
जेठ ३१, २०८० ८:५३
काठमाडौं । करिब साढे १ अर्ब जनसंख्या भएको भारत विश्वको सबैभन्दा ठूलो अर्थतन्त्र भएको देशमध्ये एक हो । भारत उत्पादन र बिक्री गर्न खोज्ने कम्पनीहरूका लागि एउटा राम्रो गन्तव्य हो । यो अवस्थाबाट सचेत रहेको एप्पलले केही समयअघि आफ्नो उत्पादनको ठूलो हिस्सा चीनबाट भारत सार्ने निर्णय गर्यो ।
यो निर्णयले एप्पललाई मात्र होइन भारतलाई पनि उत्तिकै फाइदा दिनसक्छ । किनभने यो निर्णयसँगै अब भारतमा एप्पलको उत्पादन र भारतबाट अन्य देशमा एप्पल डिभाइसको निर्यातको संख्या ह्वात्तै बढ्छ ।
विश्वमा एप्पल डिभाइसको सबैभन्दा धेरै उत्पादन तथा बिक्री गर्ने देशहरूको सूचीमा भारत उत्कृष्ट पाँचभित्र पर्नेमा कम्पनीलाई पूर्ण विश्वास भएको कम्पनीले बताउँदै आइरहेको छ ।
गत वर्ष भारतको स्मार्टफोन निर्यात दोब्बरले बृद्धि भएको थियो । सन् २०२१ मा करिब साढे ५ अर्ब डलरको स्मार्टफोन निर्यात गरेको देशले सन् २०२२ मा १० अर्ब ९० करोड डलरको स्मार्टफोन निर्यात गरेको थियो । यो एक महत्वपूर्ण वृद्धि हो र यसको श्रेय धेरै हदसम्म एप्पललाई पनि जान्छ ।
एप्पलले २०२२-२०२३ आर्थिक वर्षमा भारतको स्मार्टफोन निर्यातको आधा हिस्सा ओगटेको थियो, यद्यपि यो कम्पनीको विश्वमा उत्पादित आईफोनको कुल हिस्सामा ७ प्रतिशत मात्र हो।
सन् २०२२ मा, एप्पलले भारतस्थित फक्सकन कारखानामार्फत आईफोनहरू एसेम्बल गर्न सु्रु गर्यो यो एप्पलको लागि ठूलो कदम हो ।
एप्पलले भविष्यमा भारतमा आफ्नो उत्पादन बढाउने योजना बनाएको छ, र यसले भारतको स्मार्टफोन निर्यातमा अझ बढी वृद्धि हुने सम्भावना छ ।
भारत अहिले विश्वको दोस्रो ठूलो स्मार्टफोन बजार हो, र यो २०२५ सम्ममा विश्वको सबैभन्दा ठूलो स्मार्टफोन बजार बन्ने अपेक्षा गरिएको छ ।
पछिल्लो अध्यावधिक: जेठ ३१, २०८० ९:३२
