काठमाडौं । माइक्रो ब्लगिङ प्लेटफर्म ट्वीटरको प्रतिस्पर्धीका रूपमा सुरु भएको ट्रुथ सोसल नेपालमा पनि उपलब्ध भएको छ । अमेरिकाका पूर्व राष्ट्रपति डोनाल्ड ट्रम्पलाई ट्वीटरले सन् २०२१ मा प्रतिबन्ध लगाएपछि उनले आफ्नै नेतृत्वमा ट्रुथ सोसल एप सार्वजनिक गरेका थिए ।
सुरुवाती चरणमा युरोपमा उपलब्ध यो प्लेटफर्म हालै नेपालमा पनि उपलब्ध भएको हो ।
ट्वीटरमा पोस्ट भएका कुरालाई ट्वीट भनिन्छ भने ट्रुथ सोसलमा पोस्ट भएका कुरालाई 'ट्रुथ' भनिने कम्पनीले जनाएको छ । त्यस्तै रिप्लाईलाई 'रिप्लाई', लाइकलाई 'लाइक' र नोटिफिकेसनलाई 'अलर्ट' नाम दिइएको छ ।
ट्रुथमा कसरी साइनअप गर्ने ?
अन्य सामाजिक सञ्जाल जस्तै ट्रुथ पनि सहजै गुगल प्लेस्टोर तथा एप्पल एपस्टोरबाट इन्स्टल गर्न सकिन्छ । एन्ड्रोइड प्रयोगकर्ताले यहाँ र आईओएस प्रयोगकर्ताले यहाँ क्लिक गरी एप डाउनलाेड गर्नुहोस् ।