कोसेली एक्सप्रेसबाट देशभर पठाउन सकिने गिफ्टको भुक्तानी खल्तीबाट गर्दा ५०० क्याशब्याक पाइने

कोसेली एक्सप्रेसबाट नेपालको कुनै पनि ठाउँमा उपहार पठाउँदा खल्ती वालेटबाट भुक्तानी गरेको खण्डमा प्रत्येक पटक ५०० क्याशब्याक पाइने भएको छ । सजिलो र भरपर्दो तरिकाबाट नेपालभर उपहार पठाउन उपयोगी अनलाइन माध्यम कोसेली एक्सप्रेसले हालै खल्ती वालेटसँग क्याशब्याक सम्बन्धी सम्झौता गरेको हो । यो अफर आज अर्थात् १४ साउनदेखि ६ भदौसम्म लागु हुनेछ ।

क्याशब्याक प्राप्त गर्न न्यूनतम २५०० रुपैयाँ बराबरको गिफ्ट पठाई खल्तीबाट भुक्तानी गर्नुपर्नेछ । खल्ती नेपालमा डिजिटल भुक्तानीमा विश्वसनीय नाम हो, जुन प्रयोगकर्ताहरूलाई सुरक्षित र सहज लेनदेन गर्नका लागि एक भरपर्दो माध्यमको रूपमा परिचित छ ।  

अब कोसेली एक्सप्रेसका ग्राहकले नेपालभर अनलाइनबाट केक, चकलेट लगायतका उपहार पठाउदा खल्ती वालेटबाट पनि भुक्तानी गर्न सक्ने छन् ।

कोसेली एक्सप्रेसका डिजिटल मार्केटिङ प्रमुख उमर अन्सारीले खल्तीसँगको यस सहकार्यसँगै ग्राहकहरूले विदेश तथा नेपालभित्रबाट देशभर गिफ्ट पठाउदा भरपुर फाइदा लिने विश्वास व्यक्त गरे । कोसेली एक्सप्रेस बाट केक, चकलेट, फलफूल लगायत विभिन्न उपहार पठाउदा भुक्तानीमा धेरै नै सहज हुनुका साथै क्याशब्याकले ग्राहकमा उत्साह समेत ल्याउने उनको भनाई छ । 

पछिल्लो अध्यावधिक: साउन १४, २०८१ १९:५

टिप्पणीहरू