कक्षा १२ को परीक्षाफल हेर्ने वेबसाइट डाउन
साउन १८, २०८१ १२:३०
काठमाडौं । कक्षा १२ को परीक्षाफल हेर्ने वेबसाइट डाउन भएको छ । छोटो समयमा वेबसाइट आएको चाप धान्न नसक्दा परीक्षाफल हेर्ने वेबसाइट डाउन भएको हो ।
बोर्डले आज मात्र गत वैशाखमा सञ्चालित कक्षा १२ को नतिजा सार्वजनिक गरेको थियो । तर, सार्वजनिक भए लगत्तै नतिजा हेर्ने सरकारी साइटहरू डाउन भएका छन् । अहिले नेपाल टेलिकम र राष्ट्रिय परीक्षा बोर्ड दुवैको साइट डाउन छ ।
नतिजा देखाउने नेपाल टेलिकमको वेबसाइट खोल्दा ‘५०४ गेटवे टाइम आउट’ भन्ने सन्देश देखिन्छ ।
वेबसाइटमा हेर्न नमिले एसएमएस, यूएसएसडी अथवा आईभीआरबाट नतिजा हेर्न सक्नुहुन्छ ।
यस वर्ष पाँच हजार ५४२ विद्यालयका नियमिततर्फ तीन लाख ८५ हजार ६३२ विद्यार्थी सहभागी थिए । बोर्डका अनुसार यस पटक दुई लाख ३ हजार ८४६ अर्थात् ५२ प्रतिशत विद्यार्थी उत्तीर्ण भएका छन् ।
पछिल्लो अध्यावधिक: साउन १८, २०८१ १२:५३
