सिट्रोन सीथ्री (Citroën C3) मा नाडा विशेष अफर घोषणा
भदौ १४, २०८१ १३:३८
काठमाडौं । नेपालमा सिट्रोन ब्रान्डको आधिकारिक बिक्रेता साङ्ग्रिला मोटर्स प्राइभेट लिमिटेडले सिट्रोन सीथ्री (Citroën C3) मा विशेष अफर ल्याएको छ । नाडा अटो शो २०२४ को अवसर पारी कम्पनीले यो पेट्रोल गाडी किन्न चाहने ग्राहकका लागि आकर्षक सुविधा घोषणा गरेको छ ।
यसअन्तर्गत मूल्य छुटसहित चार वर्षको लागि निःशुल्क इन्धन, चार वर्षकै लागि निःशुल्क मर्मत सुविधा, एक वर्षको लागि निःशुल्क बीमा र निःशुल्क सडक कर लगायतका सुविधा उपलब्ध हुनेछन् ।
साथै ग्राहकले सात लाख ४० हजार रुपैयाँ डाउन पेमेन्टमै सिट्रोन सीथ्री घर लैजान सक्ने कम्पनीले जनाएको छ । यस अवसरको फाइदा उठाउन नाडा अटो शोमा सिट्रोनको स्टल बी११ भ्रमण गर्न सकिन्छ ।
पछिल्लो अध्यावधिक: भदौ १४, २०८१ १३:५३
