दशैंमा इन्फिनिक्स स्मार्टफोन खरिद गर्दा स्कुटर जित्ने मौका
असोज ११, २०८१ २१:९
काठमाडौं । स्मार्टफोन ब्रान्ड इन्फिनिक्सले नेपालमा दशैं, तिहार र छठका लागि फेस्टिभ अफर घोषणा गरेको छ । कम्पनीले नेपालभर मान्य हुनेगरी ‘इन्फिनिक्स दशैं धमाका अफर’ घोषणा गरेको हो ।
शुक्रबारदेखि सुरु भएको यो अफर १८ कात्तिकसम्म चल्नेछ । यसका लागि इन्फिनिक्सका आधिकारिक स्टोरबाट इन्फिनिक्स फोन खरिद गर्नुपर्ने हुन्छ । त्यसपछि स्टोरले उपलब्ध गराउने क्यूआरकोड स्क्यान गरी आईएमईआई नम्बर राख्नुपर्ने हुन्छ । यति गरेपछि ह्विल स्पिन गर्नुपर्ने हुन्छ । त्यसमा इन्फिनिक्सको हट ४० आई (८+१२८ जीबी) फोन जित्ने सम्भावना रहन्छ ।
त्यस्तै यस अवधिमा इन्फिनिक्सको फोन खरिद गर्ने सबै ग्राहक बम्पर प्राइज ‘भेस्पा इलगेन्ट १५० स्कुटर’का लागि योग्य हुनेछन् । त्यसमध्ये एक जनाले उक्त स्कुटर पाउने कम्पनीले जनाएको छ ।
त्यसैगरी फोन खरिद गरेको १०० दिनभित्र स्क्रिन रिप्लेसमेन्टको ग्यारेन्टी समेत रहेको बताइएको छ । पानीले स्क्रिन बिगारेको अवस्थामा भने फोन निःशुल्क स्क्रिन रिप्लेसमेन्टका लागि योग्य हुनेछैन ।
पछिल्लो अध्यावधिक: असोज ११, २०८१ २१:१०
