कार्यालयमा बाढी पसेपछि एपीवन टेलिभिजनको प्रसारण बन्द
असोज १२, २०८१ १३:२३
काठमाडौं । कार्यालयमा बाढी पसेपछि एपीवन एचडी टेलिभिजनको प्रसारण अनिश्चितकालकाे लागि रोकिएको छ ।
टेलिभिजनका प्रधान सम्पादक दीपेन्द्र बान्तावाले कार्यालयमा बागमती नदीको बाढी पसेपछि शनिवार बिहान ७ बजेपछि प्रसारण सेवा बन्द गरिएको जानकारी दिए ।
उनका अनुसार विद्युत् सेवा अवरुद्ध बन्द हुनुका साथै कार्यालयका गाडी, कम्प्युटर, ब्याकअप लगायतका सामग्रीसहित डुबानमा परेका छन् ।
अविरल वर्षाका कारण उपत्यकामा ठूलो जनधनको क्षति भएको छ ।
पछिल्लो अध्यावधिक: असोज १२, २०८१ १३:३५
