दशैंमा टेक्नो फोन किन्दा सित्तैमा थाइल्यान्ड घुम्ने अवसर
असोज २१, २०८१ १३:४५
काठमाडौं । मोबाइल ब्रान्ड टेक्नोले ‘मनाऔं चाडपर्व टेक्नोसँग’ अभियान सुरु गरेको छ । यस अफर अन्तर्गत टेक्नो फोन खरिद गर्ने एक भाग्यशाली ग्राहकले निःशुल्क थाइल्यान्ड घुम्न पाउनेछन् ।
यस बाहेक दैनिक उपहारहरूमा चेस्ट ब्याग, स्पिकर र ब्लुटुथ स्पिकरहरू जित्न सकिने कम्पनीले जनाएको छ । २४ कात्तिकसम्म चल्ने अफरमा कम्पनीले हरेक दिन सामाजिक सञ्जालमार्फत विजेता घोषणा गर्दै आएको छ ।
थाइल्यान्ड ट्रिप पाउने भाग्यशाली विजेताको नाम भने अफरको अन्त्यमा घोषणा गरिने कम्पनीले उल्लेख गरेको छ । कम्पनीका अनुसार अहिले 'टेक्नो स्पार्क गो वन' र 'टेक्नो स्पार्क ३० सी' स्मार्टफोनको माग बढ्दो छ ।
टेक्नो स्पार्क गो वनको मूल्य ११ हजार ९९० रुपैयाँ रहेको छ भने टेक्नो स्पार्क ३० सीको सुरुवाती मूल्य १६ हजार ४९० तोकिएको छ ।
टेक्नो स्पार्क गो वनमा १२० हर्जको रिफ्रेश रेट, ४ जीबी र्याम र डुअल स्टेरियो स्पिकर जस्ता सुविधा छन् । यसले चार वर्षको ‘ल्याग फ्री’ पर्फमेन्स दिने कम्पनीको दाबी छ ।
त्यसैगरी टेक्नो स्पार्क ३० सीमा ५० मेगापिक्सेलको प्राइमरी क्यामेरा, १२० हर्जको स्मुथ डिस्प्ले, ५००० एमएएच क्षमताको ब्याट्री, स्टाइलिस डिजाइन जस्ता विशेषता छन् ।
यो फोन जेन जेड र ट्रेन्डसेटरका लागि एक उपयुक्त विकल्प हुने कम्पनीले उल्लेख गरेको छ ।
टेक्नोका नेपालभर ५० भन्दा बढी सेवा केन्द्रहरू रहेका छन् ।
पछिल्लो अध्यावधिक: असोज २१, २०८१ १३:४५
