ह्वाट्सएपमा आएका फोटो/भिडिओ फोनको ग्यालरीमा सेभ भएर हैरान हुनुहुन्छ ? यसो गर्नुहोस्

काठमाडौं । तपाईंको मोबाइलको ग्यालरी ह्वाट्सएपबाट आएका अनगिन्ती फोटोले भरिएको छ ? साथीभाइका मिम्स, शुभकामना कार्ड, अनावश्यक भिडिओहरू बिना अनुमति ग्यालरीमा सेभ भएर झन्झट भइरहेको छ ? यदि हो भने, चिन्ता लिनु पर्दैन ।

तपाईंले केही सरल सेटिङ्स परिवर्तन गरेर ह्वाट्सएपका फोटो तथा भिडिओहरू ग्यालरीमा आफूखुसी सेभ हुनबाट रोक्न सक्नुहुन्छ ।

१. सबै च्याटका लागि मिडिया सेभिङ बन्द गर्ने तरिका

• सबैभन्दा पहिले ह्वाट्सएप खोल्नुहोस् । 

• ‘Settings’ मा जानुहोस् । 

• ‘Chats’ अप्सनमा ट्याप गर्नुहोस् । 

• ‘Media Visibility’ अप्सन बन्द गरिदिनुहोस् ।

२. निश्चित च्याटका लागि मात्र रोक्ने

यदि सबै च्याट होइन, कुनै विशेष व्यक्ति वा ग्रपबाट आएका मिडिया फाइल मात्र ग्यालरीमा सेभ हुन नदिने चाहनुहुन्छ भने यसो गर्नुहोस्

• उक्त व्यक्ति वा ग्रुपको च्याट ओपन गर्नुहोस् । 

• व्यक्तिको च्याटका लागि उसको नाममा ट्याप गरेर ‘Chat Info’ मा जानुहोस् । ग्रुप च्याटका लागि  ‘Group Info’ मा जानुहोस् । 

• अब तल देखिने ‘Media Visibility’ मा ट्याप गरी ‘No’ छान्नुहोस् ।

३. डाउनलोड भएका फोटो ग्यालरीमा नदेखाउने उपाय

• फाइल म्यानेजर (File Manager) एप खोल्नुहोस् । 

• ‘WhatsApp’ हुँदै ‘Media’ मा गएर ‘WhatsApp Images’ फोल्डर खोल्नुहोस् । 

• त्यहाँ भएका फाइलहरू ग्यालरीमा नदेखियोस् भन्ने चाहनुहुन्छ भने त्यस फोल्डरभित्र Create Folder मा गई ‘.nomedia’ नामक फाइल बनाउनुहोस् ।

यस्ता उपाय अपनाएर अनावश्यक फोटो तथा भिडिओहरू ग्यालरीमा आफूखुसी सेभ हुनबाट रोक्न सकिन्छ । ह्वाट्सएपको मिडिया म्यानेजमेन्ट सही तरिकाले गर्ने हो भने फोनको स्टोरेज पनि खाली रहन्छ र महत्त्वपूर्ण फोटो तथा भिडिओहरू व्यवस्थित रूपमा सुरक्षित गर्न सकिन्छ । 

पछिल्लो अध्यावधिक: चैत २०, २०८१ १०:४९

टिप्पणीहरू