अब डेस्क्टपबाट पनि इन्स्टाग्राममा फोटो अपलोड गर्न सकिने
कात्तिक ३, २०७८ २२:७
काठमाडौं । अब डेस्क्टपबाट पनि इन्स्टाग्राममा फोटो अपलोड गर्न सकिने भएको छ ।
आईप्याडका लागि हालसम्म पनि छुट्टै एपसमेत उपलब्ध नगराएको इन्स्टाग्रामले वेब भर्सनमार्फत प्रयोगकर्तालाई पोस्ट गर्न सकिने फिचर उपलब्ध गराउने भएको हो ।
यो फिचर बिहीवारदेखि प्रयोगकर्तामाझ उपलब्ध हुने जनाइएको छ, जसमार्फत इन्स्टाग्राममा फोटा तथा एक मिनेटभन्दा कम समयको भिडिओ र रिल्सको भिडिओसमेत अपलोड गर्न सकिने छ ।
कम्पनीले यो फिचर गएको केही महिनादेखि केही प्रयोगकर्तामाझ परीक्षणको रुपमा उपलब्ध गराउँदै आएको थियो ।
भोलिबाट भने यो फिचर सम्पूर्ण प्रयोगकर्तालाई उपलब्ध हुने कम्पनीले जनाएको छ ।
पछिल्लो अध्यावधिक: असोज २, २०७९ २२:३२
