काठमाडाैं । फ्री फायर नेपाल इन्भिटेसनल २०२२ को उपाधि ‘अभिषेक वाईटी’ टिमले जितेको छ । १२ खेलमध्ये पाँच खेलमा वोया (जित) निकाल्दै याे टिमले उपाधि हात पारेकाे हाे ।
यो टिमले १२ गेममा १२० किलसहित २३० प्वाइन्ट प्राप्त गरेकाे थियो । दोस्रो स्थानमा रहेको टोन्डे गेमर ई-स्पोर्टसको १२ गेममा एक वोया र ८७ किलसहित १६१ पोइन्ट रहेको थियो ।
त्यस्तै १५५ पोइन्ट सहित ट्रेन टु किल तेस्रो र १४२ पोइन्टसहित खुकुरी ई-स्पोर्टस चौंथो स्थानमा रहे ।
त्यसैगरी मुनलाइट ई-स्पोर्टस, ब्रोदरहुड, नेफोली एक्स क्रिउ, नयाँ नेपाल ई-स्पोर्टस, बेल्ला गेमिङ, टिम लाभा, विश्व मगर, राहुल गेमर क्रमशः पाँचौं, छैटौं, सातौँ, आठौं, नवौं, १०औँ, ११औं र १२औं स्थानमा रहे ।