फेसबुकको नियम तोड्नु भएको त छैन ? यस्तो छ थाहा पाउने तरिका
असार ११, २०७९ ११:२६
काठमाडौं । विश्वभर सर्वाधिक प्रयोग हुने सामाजिक सञ्जाल हो, फेसबुक । मेटा स्वामित्वको फेसबुकले आफ्ना प्रयोगकर्ताका लागि निश्चित नियम तोकेको छ । जसरी अन्य कानून तोड्दा हामी कारबाहीमा पर्छौं, त्यसरी नै फेसबुकको नीति, नियम उल्लंघन गरे कारबाहीमा पर्नसक्छौं ।
यद्यपि तपाईंले कहिलेकाहीँ जानी नजानी फेसबुकको नीति (कम्युनिटी गाइडलाइन) उल्लंघन गर्नुभएको हुनसक्छ । पटक पटक नीति उल्लङ्घन गर्दै जानुभयो भने विषयवस्तुको गहनता हेरेर फेसबुक अकाउन्ट ब्लकदेखि डिलिटसम्म हुनसक्छ ।
त्यसैले फेसबुक कम्युनिटीलाई असर नपर्नेगरी चलाउनु उपयुक्त हुन्छ । तपाईंले आजसम्म के कस्ता फेसबुक कम्युनिटी गाइडलाइन उल्लङ्घन गर्नुभयो भन्ने जिज्ञासा हुनसक्छ । त्यस्ता गाइडलाइन उल्लङ्घनका लिस्टहरु देख्न सक्नुहुन्छ ।
यसका लागि पहिले आफ्नो फेसबुक अकाउन्टमा लगइन गर्नुहोस् ।
त्यसपछि योर प्रोफाइल (Your Profile) मा क्लिक गरेर हेल्प एन्ड सपोर्ट (Help & support) मा जानुहोस् ।
त्यसपछि सपोर्ट इनबक्स (Support inbox) मा क्लिक गर्नुहोस् ।
त्यहाँ रिपोर्ट गरेका पोस्ट, प्रोफाइल, कमेन्ट देखाउँछ ।
त्यस्तै तपाईंले उल्लङ्घन गरेका फेसबुक कम्युनिटी नीति पनि देखाउँछ ।
भायोलेसनको प्रकृति हेरेर फेसबुकले तपाईंको अकाउन्ट ब्लकदेखि डिलिटसम्म गर्नसक्छ ।
पछिल्लो अध्यावधिक: असोज २, २०७९ २२:३३
