चुनावको दिनमा समेत रोकिएन यी उम्मेदवारको फेसबुक विज्ञापन

काठमाडौं । आज आइतबार देशभर प्रतिनिधि सभा तथा प्रदेश सभा सदस्यका लागि मतदान भइरहेको छ । आजकै दिनलाई लक्षित गर्दै निर्वाचन आयोगले बिहीबार राति १२ बजेदेखि मौन अवधि लागू गरेको थियो ।

मौन अवधिको समयमा चुनावी प्रचार प्रसार गर्न पाइँदैन । यतिमात्र नभएर विज्ञापन सामग्री हटाउन समेत आयोगले निर्देशन दिएको थियो । तर, कयौँ उम्मेदवारले आयोगको उक्त निर्देशन उलङ्घन गरेका छन् । 

आयोगले इन्टरनेट तथा अनलाइनका माध्यममा भइरहेका विज्ञापन सामग्री हटाउन विज्ञापन बोर्डसँग सहकार्य गरेको थियो । तर, पनि सामाजिक सञ्जाल फेसबुकमा केही उम्मेदवारका विज्ञापन सामग्री जारी छन् ।

आयोगका अनुसार मौन अवधिमा विज्ञापन गरेको खण्डमा वा प्रचार गर्दा आचारसंहिता उलङ्घन भएको ठहर हुन्छ । निर्वाचन (कसूर तथा सजाय) ऐन, २०७३ अनुसार मतदान हुने दिनभन्दा ४८ घण्टा अघिदेखि मतगणनाको काम पूरा नभएसम्मको अवधिमा दल तथा उम्मेदवारको पक्षमा प्रचारप्रसार गर्न नपाउने व्यवस्था छ ।

मौन अवधिको उल्लंघन गरे २५ हजार रुपैयाँसम्म जरिवाना हुने निर्वाचन आयोगले जनाएको छ ।

यी हुन् आचारसंहिता विपरीत फेसबुक विज्ञापन गर्ने उम्मेदवार

 

क्र.स	उम्मेदवारको नाम	राजनीतिक दल	सक्रिय विज्ञापन
१.	डा.शेखर कोइराला	काँग्रेस	७
२.	प्रकाशमान सिंह	काँग्रेस	१
३.	विजय कु. मानन्धर	स्वतन्त्र	१
४.	अरुन कुमार राठी	एमाले	३
५.	रञ्जु दर्शना	स्वतन्त्र	१
६.	देवराज घिमिरे	एमाले	७
७.	ज.स.पा खोटाङ	जसपा	८
८.	गणेश पराजुली	स्वतन्त्र	७
९.	प्रकाश रिमाल	रा.प्र.पा	१
१०.	योगेन्द्र खनाल	स्वतन्त्र	३
११.	मानुशी येंमी भट्टराई	माओवादी	२
१२.	बिराज भक्त श्रेष्ठ	रा.स्व.पा	५
१३.	बिनोद कुँवर	स्वतन्त्र	१
१४.	अजय अछामी	स्वतन्त्र	१
१५.	राधे खड्का	स्वतन्त्र	१
१६.	महेश बर्तौला	एमाले	२
१७.	अर्चन शमशेर राणा	लौरो	१
१८.	देवी ज्ञावाली	एमाले	१
१९.	गोपाल तामाङ	काँग्रेस	७
२०.	राममणि न्यौपाने	स्वतन्त्र	५
२१.	सविन खड्का	रा.प्र.पा	१
२२.	सुनिल कुमार शर्मा	काँग्रेस	३
२३.	निरञ्जन थापा	रा.प्र.पा	३
२४.	ओनसरी घर्ती	माओवादी	४
२५.	बद्री सिलवाल	स्वतन्त्र	१
२६.	राष्ट्रिय जनमोर्चा	रा.ज	३
२७.	डा. प्रकाश सरण महत	काँग्रेस	१
२८.	प्रकाश बराल	काँग्रेस	३
२९.	राम कुमार अधिकारी	माओवादी	५
३०.	ओम प्रकाश सर्राफ	लौरो	१
३१.	अञ्जना बिशंखे	माओवादी	५
३२.	हरिराम रिमाल	स्वतन्त्र	६
३३.	देउकुमार थेबे	काँग्रेश	२
३४.	हाम्रो लौरो अभियान	लौरो	४
३५.	चिन्तन पाठक	एमाले	११

 

पछिल्लो अध्यावधिक: मंसिर ४, २०७९ १४:३३

टिप्पणीहरू