विज्ञापनमै भाइरस !
बैशाख १२, २०७७ १५:७
काठमाडौं । पछिल्लो नौं महिनायता ह्याकहरुको एउटा अनौंठो समूहले एड सर्भरहरुलाई आफ्नो नियन्त्रणमा लिएका छन् । ती एड सर्भरहरुमा ह्याकहरुले आफ्ना मेलिसियस एड (जोखिमपूर्ण विज्ञापन) इन्सर्ट गर्छन् । जसले प्रयोगर्कतालाई झुक्याएर माल्वेयर (भाइरस) साइटहरु डाउनलोड गराउँछन् ।
यस किसिमको ह्याकिङको नयाँ तरिकालाई गत महिना साइबर सुरक्षा कम्पनी कन्फायन्टले पत्ता लगाएको हो । गत वर्षको अगस्टदेखि यस्ता ह्याकिङ अभ्यास देखा परिरहेको कन्फायन्टले जनाएको छ ।
कन्फायन्टका अनुसार ह्याकरहरुले त्यस्ता एडभर्टाइजिङ नेटवर्कलाई निशाना बनाउने गरेका छन्, जसले रिभाइभ ओपन सोर्स एड सर्भरको पुरानो भर्सन प्रयोग गरिरहेका छन् ।
ह्याकरहरुले आउटडेट भइसकेका रिभाइस सर्भरहरुमा हमला गर्ने र थाहा नपाई एडहरुमा मेलिसियस कोडहरु राखिदिने गरेका छन् ।
एकपटक त्यस्ता हानिकारक एडहरु वैधानिक वेभसाइटहरुमा लोड भइसकेपछि, त्यसमा मेलिसियस कोडहरु बस्छन् र त्यसले साइटका भिजिटरहरुलाई माल्वेयर युक्त फाइल राखिएका वेबसाइटहरुमा लिएर जान्छन् । समान्यता यस्ता माल्वेयर एडोब फ्ल्यास प्लेयर अपडेटको रुपमा छद्म भेषमा बसेका हुन्छन् ।
कन्फायन्टले हालसम्म ६० वटा त्यस्ता रिभाइभ एड सर्भरहरु पहिचान गरिसकेको छ । जो ह्याकरको निशानामा परिसकेका छन् । कन्फायन्टले उक्त ग्रुपलाई ट्याग बारन्याकल नाम दिएको छ ।
दिनमा साढे १२ लाख त्यस्ता माल्वेयर एडहरु देखिने गरेको कन्फायटले बताएको छ । एडहरुमा माल्वेयर इन्सर्ट गर्ने विधिलाई माल्भर्टाइजिङ भनिन्छ । २०१६ यता यति ठूलो स्तरमा माल्भर्टाइजिङ भएको यो पहिलो पटक हो ।
एजेन्सीको सहयोगमा ।
पछिल्लो अध्यावधिक: असोज २, २०७९ २२:३३
