एनसेलले अब डेटा समेत सापटीमा दिने
माघ १३, २०७७ ११:४४
काठमाडौं । निजी क्षेत्रको सबैभन्दा ठूलो टेलिकम सेवा प्रदायक कम्पनी एनसेलले ब्यालेन्स सकिएको समयमा पनि डेटा प्याक खरिद गर्न सकिने सुविधा ल्याएको छ ।
ग्राहकको सहजताको लागि भन्दै कम्पनीले यस्तो सेवाको सुरुवात गरेको हो । योसँगै ब्यालेन्स सकिएर अप्ठ्याराे परेको समयमा सहजै डेटा प्याक लिएर आफन्त तथा साथीभाइसँग जोडिन सक्नेछन् ।
त्यसका लागि प्रयोगकर्ताले *९९८८*१# डायल गरी ३०० एमबी डेटा लिन सक्नेछन् । यसरी लिइएको डेटा दुई दिनसम्म प्रयोग गर्न सकिने कम्पनीले जनाएको छ ।
कम्पनीका अनुसार यो सेवा प्रयोग गर्दा लागेकाे शुल्क ४२ रुपैयाँ ५५ पैसा अर्को पटक रिचार्ज गर्दा काटिने छ ।
पछिल्लो अध्यावधिक: असोज २, २०७९ २२:३४
