नेपाल टेलिकमको मोबाइल सेवा दुई दिनसम्म राति १२ बजेपछि नचल्ने
बैशाख १३, २०८० २०:३६
काठमाडौं । नेपाल टेलिकमको सेवा दुई दिनसम्म राति १२ बजेपछि नचल्ने भएको छ ।
टेलिकमको मोबाइल सेवाको कोर प्रणालीमा मर्मत सम्भारको काम हुने हुँदा वैशाख १३ र १४ गते राति १२ बजेपछि सेवा प्रभावित हुने भएको हो ।
''नियमित मर्मतसम्भार गर्ने योजना रहेको हुँदा सो समयमा छोटो अवधिका लागि जीएसएम सेवा अवरुद्ध हुनसक्ने जानकारी गराइन्छ,'' कम्पनीले जारी गरेको सूचनामा उल्लेख छ ।
तर कति समयसम्म सेवा अवरुद्ध हुने हो भन्ने विषयमा भने कम्पनीले बताएको छैन ।
पछिल्लो अध्यावधिक: बैशाख १३, २०८० २०:३६
