इम्बोस्ड नम्बर प्लेटः उत्पादन २ लाख २९ हजार, तर जडान गर्ने ५१ हजार मात्रै
जेठ १४, २०८० १६:१९
काठमाडौं । इम्बोस्ड नम्बर प्लेट जडान गर्ने सवारी साधनको सङ्ख्या एकदमै न्यून रहेको पाइएको छ ।
आइतबार सार्वजनिक आर्थिक वर्ष २०७९/०८० को आर्थिक सर्वेक्षण अनुसार २०७९ फागुनसम्म दुई लाख ५७ हजार ३९४ थान इम्बोस्ड नम्बर प्लेट उत्पादन भए पनि ५१ हजार १९ थान मात्रै जडान भएका छन् ।
२०७९ को असार मसान्तसम्म दुई लाख २९ हजार ४३८ इम्बोस्ड नम्बर प्लेट उत्पादन भएकोमा जडान गर्नेको सङ्ख्या ३३ हजार ९७२ मात्र रहेको थियो ।
चालू आर्थिक वर्षको सुरुवातसम्म चार स्थानबाट इम्बोस्ड नम्बर प्लेट जडान तथा वितरण हुँदै आएकोमा चालू आर्थिक वर्षदेखि पोखरा र बुटवलबाट समेत इम्बोस्ड नम्बर प्लेट जडान तथा वितरणको कार्य सुरु गरिएको छ ।
पछिल्लो अध्यावधिक: जेठ १४, २०८० १६:१९
